Marko 3:3 - KITABU KITAKATIFU

³ Yeso yavolera umundu waali niyang'era mukono, “Hamba usingiri imbiri yinu.”

Marko 3:3 Iomraidhean Croise

Isaya 42:4

Sialakuza mwoyo mba, navuzwa alaleeta likalaga lirungi ku lirova. Avandu vamenyi mu visulu valindilira lilaga lilie.”

Danyeli 6:10

Lwa Danieli yahulira ndi mwami umali kuviika mukono ku lilago yili, yazia yengo. Munyumba yeeye yaali mu ne keng'oze chaali higulu na chaali ni lidirisia liahenza Jerusalemi. Hene yaho kuli yakola kazozo, yasigama hasi ha yaali yiguyi lidirisia nasaara ku Nyasaye haali kavaga ku lidiku.

Matayo 12:10

Yaali mu mundu mulala uwaali nu mukono gwang'era. Avandu vateva Yeso, “Gadukanaa kohonyia mundu ku lidiku lie Lisabato?” Vamuteeva ndio vanyoore kivuni cha vamuyaalira.

Marko 3:2

Avandu valala vaali mu avenya kwihambihiza Yeso vamunyoole nuvudamanu. Vahenza valore niiva Yeso yaali anyala kohonyia umundu oyo ku lidiku lie Lisabato.

Marko 3:4

Maku Yeso yateeva avandu, “Amalago giitu gakuvugiliraa kokole ki ku lidiku lie Lisabato? Gaduukanaa kokonye anoho kusalirizi? Kohonyie ilivamwoyo liu mundu anoho kulidivizi?” Navuzwa vakiring'ana.

Luka 6:8

Navuzwa Yeso yamanya zing'anagani ziavo, navolera mundu zana oyo, “Hamba usingiri imbiri yinu.” Mundu oyo yazia nasingira yo.

Yohana 9:4

Vukiri mbasu, gaduukanaa ngole miyinzi ja uyu uwanduma, kigira uvudiku vuzaa lwu mundu atanyala kokora miyinzi.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

Vagalatia 6:9

Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

Vafilipi 1:14

Livofwa liange muvuhambe limali kuhaana lisuuvira linyingi ku vamiitu vange mu Mwami kandi vave nuvuluviliri ligali mu lilwaza ilikuva lia Nyasaye vugira uvuti.

1 Petro 4:1

Kigira Kristo yasaalira mu muviri, munyi kandi mwidinyirizi kwivika mu liiva liukuva kuli ndio; kigira uyu wasalirizwa mu muviri umali kolekana nu uvwoni.