Marko 3:2 - KITABU KITAKATIFU

² Avandu valala vaali mu avenya kwihambihiza Yeso vamunyoole nuvudamanu. Vahenza valore niiva Yeso yaali anyala kohonyia umundu oyo ku lidiku lie Lisabato.

Marko 3:2 Iomraidhean Croise

Zaburi 37:32

Mundu mudamanu alohizaa machiriri nu kwenyeleriza kwita mundu mulungi,

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Matayo 12:10

Yaali mu mundu mulala uwaali nu mukono gwang'era. Avandu vateva Yeso, “Gadukanaa kohonyia mundu ku lidiku lie Lisabato?” Vamuteeva ndio vanyoore kivuni cha vamuyaalira.

Marko 3:3

Yeso yavolera umundu waali niyang'era mukono, “Hamba usingiri imbiri yinu.”

Luka 14:1

Lidiku lilala lie Lisabato, Yeso yazia kulia chukulia munyumba yumulala ku vanene va Avafarisayo. Avandu vaali ho vahenzeriza Yeso kolola alakola ki.

Luka 20:20

Kunangwa venyeleriza vwiyangu vatuma avatunyirizi nivekola kuva vasuuvirifu vaduuki kumugumira kigira gavoora kunangwa vamuhira ku avuvunyali kandi kumuviika mu zinguru ziu Mwami wu vwamihi vwavo Rumi.

Luka 6:7

Avigizi vi Lilaga valala na Avafarisayo vahenza valore Yeso niiva yaali anyala gohonyia mundu ku lidiku lie Lisabato, kunangwa vanyoore kivuni chu kumuyaara.

Yohana 8:6

Vavoola ndio kumugeriza, kunangwa vaduuki konyoora kindu chu kumuyalira ku. Navuzwa Yeso yinama hasi, na ng'oda mu marova ne kedete chiche.

Yohana 9:16

Valala ku Avafarisayo vavoola, “Mundu uyu saiaveeye uwatula ku Nyasaye mba, kigira sialindaa Lilaga lie Lisabato mba.” Navuzwa avandi vavoola, “Mundu wu vwoni anyala kokora ndi vilolekizu ku yivi?” Vaali ni liavukana hagati haavo.