Marko 2:7 - KITABU KITAKATIFU

⁷ “Umundu uyu amolomaa ndi kigira ki? Yaga na manyego! Ni vwaha wundi unyala kusamiiha uvwoni natali Nyasaye yenyine?”

Marko 2:7 Iomraidhean Croise

Ayubu 14:4

Aveeye ho nu mundu unyala kutuliza kindu kilahi kutura mu kindu kidamanu? Siaveeye ho mba.

Zaburi 130:4

Navuzwa ivi ukusamihaa uvwoni vwitu, kunangwa kunyi kuduuki kuva nu vuti vonene kuive.

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Danyeli 9:9

Yahova Nyasaye wiitu, ivi oveeye ni zimbavasi kandi wi lisamiiha kali niiva kwaibala kutura ku ivi.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Matayo 26:65

Hene yaho Musaalisi Munene yatandula izinguvu zizie, navoora, “Ovooye manyego! Kwenyera ki avalolekizi vandi? Kalunu muhuliyi linyego geege.

Matayo 9:3

Maku, avalala ku avigizi vi Lilaga vataanga kovolerana, “Umundu uyu anyegaa Nyasaye!”

Marko 14:64

Munyi mumali kuhulira linyega lilie. Muloraa ndi?” Vosi vamukalagira kuli adukanaa yiitwi.

Marko 2:6

Avigizi valala vi Lilaga avaari nivikaye ho, vaganagana mu mioyo jaavo,

Marko 2:8

Ahene yaho Yeso yamanya mu mwoyo gwigwe aga vaganagana mu mioyo jaavo, kunangwa yavavolera, “Kigira ki muganaganaa ndio mu mioyo jinyu?

Luka 5:21

Avigizi vi Lilaga na Vafarisayo vatanga kotevana nivavoora, “Ni mundu ki uyu ovola manyego? Ivwaha unyala kusamiiha uvwoni natali Nyasaye yenyine?”

Luka 7:49

Avageni vandi aviikalaa na Yeso ku viukulia, vatanga kuganagana mu mioyo jaavo aveene nivateevana, “Nivwaha uyu, usamiihaa kali uvwoni?”

Yohana 10:33

Avayuda vaamutivulira, “Sikukulasaa amagina kigira miyinzi milahi, navuzwa kigira linyega Nyasaye. Ivi wekolaa mwene kuva Nyasaye, navuzwa oveeye mundu vuzwa.”

Yohana 10:36

Ku lwa inzi Baba yandovola kandi naanduma mu kivala. Kunangwa munyala kovora ndi, ‘Ivi onyegaa Nyasaye?’ Gaveeye kigira ndavoora, ‘Inzi nu mwana wa Nyasaye?’