Marko 2:20 - KITABU KITAKATIFU

²⁰ Navuzwa amadiku galaduuka agu mwami osereraa alitulizwa kuvo; ulwene yilwo nilwo lwa valihonga lilia.

Marko 2:20 Iomraidhean Croise

Zaburi 45:11

uvulahi vwi ligondo liilio vulalomba mwami kukukayirwa; aveeye munene woovo, kunangwa kuduuka umuhuliri.

Lwimbu lwa Solomoni 3:11

Avakali va Ziyoni, hambi mulore mwami Solomoni; Yiviiki itaji ya mama weve yamuvika lidiku lie keserero chiche. Lidiku liu vuyanzi nu vusangali mumwoyo gwigwe.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 62:5

Nyasaye alasangalira munyi kuli muyaayi asangalira mwiha wa asereraa, kandi kuli mwiha asangalira muyaayi wa aselerangwa ku.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Matayo 26:31

Maku Yeso yavavolera, “Uvudiku vwa lero munyi mwosi muliruka, mundeke nzienyine kigira Mang'oda Matakatifu gavoora, ‘Ndakuya umwayi, na magondi galasalana.’

Matayo 9:15

Yeso yavativulira, “Avageni valangiywi mu lisavo lie keserero, vanyara kovelera lwa osereeywi aveeye harara navo? Awa! Navuzwa lidiku liladuuka lwa oyo oseleraa umwiha alitulizwa kuvo, ulwene yilwo nilwo lwa valihonga lilia.

Marko 2:19

Yeso yavativulira, “Avalangiywi mu keserero vanyara ndi kohonga lilia lwu Umwami wa oselereywi aveeye harara navo? Zing'inga ziosi zia osereraa aveeye harara navo, si vanyara kohonga lilia mba.

Marko 2:21

“Sihaveeye ho nu mundu ukalaa kilavi chinguvu imbia ma akinavira kunguvu ingulu mba. Naakoraa ndio, ikilavi kihia yicho kililinga makihuduli inguvu yeyo, nayo ilatandukila ligali.

Luka 17:22

Maku yavolera aviigi veve, “Amadiku gaaza lwa muliegomba kolola lidiku lilala ku madiku gu Mwana wa Adamu, navuzwa simulililola mba.

Luka 5:35

Navuzwa amadiku galaduuka lwu mwami osereraa alitulizwa kuvo. Lwene yilwo nilwo lwa valihonga lilia.”

Yohana 12:8

Avadaka mulava navo kazozo, navuzwa simulava harara nainzi zing'inga ziosi mba.

Yohana 13:33

“Avana vakekeeke vange, ngikiri ni munyi ku ing'inga engekeeke vuzwa, itigaaye. Mulakanyenye, navuzwa kuli ndavolera avanene va Avayuda, kalunu inzi muvooleraa kandi, ‘Uwanziza munyi simunyala kuzia yo mba!’

Yohana 16:28

inzi ndaatula ku Baba, kandi mali kuuza mu kivala; kandi kalunu ndekaa kivala kandi nziza ku Baba.”

Yohana 16:7

Navuzwa inzi muvoleranga agiligali: Ni vulahi ku munyi ndi inzi nzie, kigira niimbura kuzia Mukonyi sialaaza ku munyi mba. Navuzwa niimba ninzia, ndamutuma yaaze ku munyi.

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 17:13

Kunangwa nziza ku ivi, na mali kovora vindu yivi lwa ngikiri mu kivala, kunangwa vaduuki kwizura uvusangari vwange mu mioyo jaavo.

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Vikolwa 1:9

Inyima wokovoola yaga, vavugulwa kuzia mwigulu, ni Lilesi liamukunika kutura mu zimoni ziavo.

Vikolwa 14:23

Vaatovora avakulundu nivavaviika mu makanisa goosi aga vandu vasuuviri; kandi lwa vamala kusaala no kohonga lilia, vavaviika hasi mu vulindi vwu Mwami wa vaali ni vaviiki lisuuvira liavo muye.

Vikolwa 3:21

Gamuduukira atigale mwigulu kuduuka lwi vindu viosi vililombwa vuhia, kuli Nyasaye yalandiza kuvitira mu vaporofeti veve vatakatifu avaari ho kutura kale.

1 Vakorintho 7:5

Mutasuulani aveene naveene ku likolerana agamuduukira mba, nigataveeye ku lihulirizana lia mulagani kutanga ku ing'inga ngekeeke, muduuki kuva nu vwiyangu vulahi vwu kusaala; ma inyima muve harara kandi, kunangwa Setani avuli kuva nu vwiyangu ku mugerizaa kigira livula kwilinda kwinyu.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

2 Vakorintho 11:27

Ndaakola miyinzi mu vunyang'ani; ndaminika haali kanyingi vugira zindoolo; ndaali ninzara nu vuluhu; haali kanyingi ndaaviikwa muvuhambe nokomenya mu vukindu vugira zinguvu.

2 Vakorintho 6:5

Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara.

Likunula 19:7

Gendi ku sangale kandi kuyaanze; gendi kumwizominyi kandi kumuhe uvukumi vwivwe! Kigira keserero chu Mwana wi Ligondi kiduuki, kandi umwiha weve wetegeki.

Likunula 21:9

Mulala ku zingelosi saba avaari ni zibakuli saba, zizura amaduywa saba gukumaliriza, yaza ku inzi nambolera, “Hamba yinu, na ndakumanyia umwiha; mukali wu Mwana wi Ligondi.”