Marko 16:16 - KITABU KITAKATIFU

¹⁶ Ku vosi usuviraa na abatizwi alahonywa. Ku vosi uvula kusuuvira, alakalagirwa.

Marko 16:16 Iomraidhean Croise

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Marko 1:15

Yavoola, “Ing'inga indahi iduuki, nu Uvwami vwa Nyasaye voveeye ahimbi! Mwiganiri kandi musuuviri Ivangeri.”

Luka 8:12

Uvuguza vwagwa kunzira ni yavo avandu avamali kuhulira, navuzwa Setani yaazaa kandi atulizaa likuva zana mu mioyo jaavo, kunangwa avakole vavuli kusuuvira kandi vavuli kohonywa.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 3:36

Uyu usuviraa Mwana wa Nyasaye, aveeye ni livamwoyo litahera mba. Navuzwa uyu utatiza Mwana wa Nyasaye, sialilola livamwoyo kigira amaduywa ga Nyasaye galamenya kuye.

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Yohana 6:29

Yeso yavativulira, “Yigu nigwo muyinzi gwa Nyasaye yenya mukore, musuuviri mu uyu uwa yatuma.”

Yohana 6:35

Yeso yavavolera, “Inzi niye mugadi gwi livamwoyo. Uyu uza ku inzi sialiva ninzara mba. Uyu usuviraa inzi sialiva nu vuluhu mba.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Vikolwa 10:43

Avaporofeti vosi vavoola amakuva geege, ndi mundu woosi ulimusuuvira alakasamiifwi uvwoni vwivwe kuvitira mu lieta lilie.”

Vikolwa 13:39

Kuvitira kandi mu Yeso, mundu woosi usuviraa avohololwa kutura mu vwoni vwi, Lilaga lia Musa siliali linyala kumuvoholora mba.

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 2:38

Petero yavativulira, “Mwiganiri mwosi, mubatizwi mu lieta lia Yeso Kristo, musamiifwi uvwoni vwinyu, kandi mulanyola kihanwa cha Roho Mutakatifu.

Vikolwa 2:41

Kunangwa avanyingi vasuuvira amakuva geege, nivabatizwa lidiku liene yilio. Avandu vaduuka ahimbi zielefu zivaga komeeda livaliza liu muganda gwa avasuuviri.

Vikolwa 22:16

Kalunu kigira ki ulindagira kandi? Singira ubatizwi, kandi wogizwi uvwoni vuvwo ku lieyama lieta lilie.’

Varumi 3:6

Si gaveeye ndio mba! Niiva, Nyasaye avula kuva umulungi, yaali unyala kuva ndi mukalagi wi lirova?

Varumi 4:24

Navuzwa likuva yili liveeye ku kunyi, avakusuuviraa ku Nyasaye wasimugukiza Yeso, Mwami wiitu kutura mu vakuzu.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

2 Vatesalonike 2:12

Kunangwa vosi avavulanga kusuuvira agiligali, navuzwa nivayaanza kokora uvwoni vakalagirwa.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”