Marko 16:14 - KITABU KITAKATIFU

¹⁴ Lwukumaliriza Yeso yaloleka ku aviigi likomi na mulala lwa vaali nivalizaa. Yaavalemba kigira sivali nilisuvira mba kandi kigira uvudinyu vwi mioyo jaavo. Kigira sivasuuvira yavo avaari nivamuloli lwa yaali namali kusimuguka mba.

Marko 16:14 Iomraidhean Croise

Livalidza 14:11

Yahova yavolera Musa, “Avandu yava valasura kuduuka ing'inga ki? Valavula kusuvira kuduuka ing'inga ki, kali niiva mali kokora vilolekizu vinyingi hagati haavo?

Matayo 11:20

Hene yaho, Yeso yaatanga koleemba avandu va madaala aga yakola mu vilolekizu vinyingi, kigira si viganira uvwoni vwavo mba.

Matayo 17:20

Yeso yavativulira, “Yago gaali ndio kigira ilisuuvira lienyu liveeye ilikekeeke. Muvooleraa agiligali, ni muva vuzwa ni lisuuvira, kali live likekeeke vuzwa kuli luguza lwi lisaazi, munyala kovoolera kiguru yiki, ‘Tula yaaha, wisundi hala!’ Nacho kilisunda. Si keveeye ho ni kindu choosi ikitanyala kunyalika ku munyi mba. [

Matayo 28:17

Lwa vamulola vaamusigamira kali niiva avalala kuvo vahayahayiza.

Marko 7:18

Yeso yavavolera, “Kali munyi kandi simuveeye avageri kuli avandi. Munyi si mumanyi ndi ikindu kingiraa mu mundu kutura ichova si kinyala ku mukora umudamanu mba,

Luka 24:11

Navuzwa avatumwa sivasuuvira amakuva ga vakali yava mba, vagavugula vuzwa kuli zimbaka. [

Luka 24:25

Yeso yavavolera, “Avandu avasiru munyi, avimioyo jiveeye midinyu kusuuvira viosi via vaporofeti vavoola!

Yohana 20:25

Kunangwa, aviigi vandi vamuvolera, “Koololi Mwami.” Tomasi yavavolera, “Nindalola zimbara zie misumari mu makono geege, nu kudiira kedete change muzio, kandi kudiira mukono gwange mu zimbalu zizie, sinyala kusuuvira mba.”

Yohana 20:26

Inyima wa madiku munane aviigi yavo vaali kandi harara munyumba, na Tomasi yaali harara navo. Miliango jaali ni jihaniywi. Navuzwa Yeso yaza, nasingira hagati haavo, navoora, “Mirembe ku munyi!”

Yohana 20:27

Maku yavolera Tomasi, “Leeta kedete chicho udiiri mu zimbara zia makono gange; leeta mukono gugwo uhambe mu zimbalu ziange. Utava nilihayahayiza, navuzwa usuuviri!”

Yohana 21:1

Inyima wa yaga, Yeso yaloleka kandi ku aviigi veve ku lujinga lwi inyanza ya Tiberia. Yivuula mwene kuli ndi.

Yohana 21:14

Yilu lwali lwa kavaga Yeso kololeka ku aviigi veve inyima wukusimuguka kutura mu vakuzu.

Vikolwa 1:3

Ku ing'inga ya madiku arubaini inyima wi likuza lilie, Yeso yaloleka haali kanyingi kuvo mwene, kandi mu zinzira zialolekiza ndi ligali aveeye mwoyo inyima wuvusaliri vwivwe. Vamulola, na moloma navo kigira makuva gu Vwami vwa Nyasaye.

1 Vakorintho 15:5

kandi ndi, yaloleka ku Petero, ma lwinyima naaloleka ku avatumwa likomi na vaviri.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.