Marko 15:14 - KITABU KITAKATIFU

¹⁴ Pilato yavateva, “Kigira ki? Akoli vudamanu ki?” Navuzwa vameeda kuhanzuka nu mwoyo munene ligali, “Muvambe!”

Marko 15:14 Iomraidhean Croise

Zaburi 69:4

Yavo avandunyira vugira kivuni, vaveeye avanyingi ligali kali kuvita liisu liu kumutwi gwange. Avasigu vange vavoola ovovehi ku inzi; vaveeye ni zinguru ligali kandi venya kunzita. Vamali konomba kali kwilanyia ivindu viandavula kwiva.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Isaya 53:9

Yateevwa mu kilindwa harara na vandu vadamanu. Mu likuza lilie, yayavirwa harara na vatugi, kali niyavula kuvunaga malago ku goosi anoho kovora likuva liovovehi.”

Matayo 27:19

Lwa Pilato yaali niyikaye kondeve yi Likalaga, umukali weve yamuletera amakuva namuvolera “Utakola ikindu ku mundu mulungi uyu mba, kigira lero nyooye ilisalirizwa ilinyingi mu maloto kigira ye.”

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Marko 15:13

Vandu vosi vahanzuka nu mwoyo munene nivavoora, “ Muvambe!”

Marko 15:15

Pilato yenya kuyaanziza ikiduma, kunangwa yaavoholora Baraba kutura muvuhambe, na yahaana lilago Yeso akuywi no lokova kandi avambwe.

Luka 23:21

Navuzwa vahanzuka numwoyo munene nivavoora, “Muvambe! Muvambe!”

Luka 23:4

Pilato yavolera avasaalisi vanene nividuma via vandu, “Sindora kindu kidamanu ku mundu uyu mba.”

Luka 23:41

Kunyi ligali koheveeywe amaduywa gaduukanaa ni kunyi; kigira kunyi konyoora amadanyi gi miyinzi jietu midamanu. Navuzwa mundu uyu si yakola kindu kidamanu mba.”

Luka 23:47

Ahene yaho, lwu munene wa vasikari mia yalora gaali nigekoleki, yizominya Nyasaye navoora, “Ligali uyu yaali mundu mulungi.”

Yohana 18:38

Pilato yateeva, “Agiligali ni ki?” Pilato lwa yamala kovora yaga, yazia kandi ku Avayuda ichova, navavoolera, “Inzi sindora kindu kidamanu kuye mba.

Yohana 19:6

Lwa avasaalisi vanene na vasikari vi Litembeli vamulola vahanzuka, “Muvambe! Muvambe!” Pilato yavavolera, “Munyi mumuvuguli, ma mu muvambe aveene. Inzi sindora kivuni chu kumukalagira mba.”

Vikolwa 13:28

Kali niiva sivanyoola kuye kivuni kigira vamwiti, vateva Pilato amukalagiri likuza.

Vikolwa 19:34

Navuzwa lwa vamanyiriza ndi aveeye Muyuda, vosi vahanzuka nu mwoyo mulala, nivavoora, “Munene aveeye Aritemi wa Efeso!” Vazizagilira kuhanzuka ndio ku ing'inga yi zisa ziviri.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.