Marko 14:72 - KITABU KITAKATIFU

⁷² Nonoho, idaywa yalagula lwa kaviri. Hene yaho Petero yizuliza kuli Yeso yaali namuvooleye, “Idaywa nikikiri kulagula haali kaviri, ivi ulanyambakana haali kavaga.” Lwa Petero yizuliza amakuva yago, yavelera kandi natiguka maliga.

Marko 14:72 Iomraidhean Croise

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Matayo 26:34

Yeso yavolera Petero, “Inzi ngovolera ndi, uvudiku vwa lero idaywa nikikiri kulagula, ivi ulanyambakana haali kavaga.”

Marko 14:30

Yeso yamuvolera, “Ligali ngovolera, uvudiku vwa lero, idaywa ni kikiri kulagula haali kaviri, ivi ulanyambakana haali kavaga.”

Marko 14:68

Navuzwa Petero yambakana navoora, “Inzi simumanyi kandi simbulira aga ivi ovola mba!” Petero yatura ichova nazia mu kirivwa. Idaywa yalagula ing'inga yene yeyo.

Marko 14:71

Navuzwa Petero yaatanga kwisuuha navoora, “Inzi simanyi umundu wa vuvoolaa uyu mba.”

Luka 22:60

Navuzwa Petero yativura, “Mundu ivi, simanyi kali icha omoloma mba!” Nonoho lwa Petero yaali nakemoloma, idaywa yalagula.

Luka 22:62

Ahene yaho Petero yatura ichova nalira novovereri vunene.

2 Vakorintho 7:10

Vovereri vwa Nyasaye voletaa lieganira liu mwoyo kuduuka kovohonyi, navuzwa sivoleetaa liverera mba! Navuzwa ovovereri vwu mundu, voleta ilikuza.