Marko 13:9 - KITABU KITAKATIFU

⁹ “Munyi aveene muve avageri. Avandu valakamuzaame, nukumugumira nukumuhira mu viyaalo. Kandi valakamukuyiri mu masinagogi. Mulakasingiri imbiri wa vamiihi na avami vanene vikivala kigira inzi, muduuki kuva avalolekizi vange kuvo.

Marko 13:9 Iomraidhean Croise

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Marko 1:44

Navuzwa tula vwangu uzie vulungi ku musaalisi na oleke akohenzerize; ahene yaho alamanyia avandu ndi ivi umali kohonywa ligali, gakuduukiraa uhaane lisiuviliru lia Musa yalaga.”

Marko 13:5

Yeso yavavolera, “Mugerihi, umundu atamugada mba.

Marko 13:8

Ihiiri ilavukira ihiiri; uvwami vulavukira uvwami kuvulwaana. Halava ni lidegera lie lirova hoosi na hoosi mu vivala ivinyingi, kandi halava ninzara mu lirova. Ivindu yivi viveeye vuzwa ilitanga liu vusaliri.

Marko 6:11

Navuzwa hoosi ha vandu valivula kumwingiriza anoho ku muhulira, muturi ho namweye uluguchi lwu mu zinduvatiru zienyu, yaga gave ekelolero kuvo.”

Luka 9:5

Niiva avandu sivalamwingiriza, mmweye luguchi lutuli ku virenge vienyu lwa muva ni muturaa mu lidaala yilio, keve kelolero kuvo.”

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

Vikolwa 21:11

Yaza ku kunyi, navugura musibi gwa Paolo niyevoha virenge na makono, na avoora, “Roho Mutakatifu avoora ndi: ‘Avayuda va Jerusalemi valakavohe ndi mundu mwene musibi yigu, nu kumuviika mu makono ga avandu vi Zihiiri!’ ”

Vikolwa 7:54

Lwa avakulundu vi kiyaalo vahuliriza amakuva ga Sitefano, vavihilirwa ligali, nivalumanyia amiinu gaavo mu uvutima.

Vikolwa 9:16

Inzi mwene ndamumanyia goosi agamuduukira kusalira kigira lieta liange.”

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

2 Vatesalonike 1:5

Yaga goosi gamanyia ndi likalaga lia Nyasaye liveeye lirungi, na munyi mulavalizwa kuva avaduukani konyoora vwami vwivwe uvugira nimunyoola likubizwa kivi.

2 Yohana 1:8

Kunangwa mwilindi munyi aveene muvuli kogotiza vindu yivio via kumali kuyinzilira, navuzwa muduuki konyoora amadanyi ginyu muvuduukiru.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.