Marko 13:6 - KITABU KITAKATIFU

⁶ Avandu avanyingi valaza mu lieta liange nivavoora, ‘Inzi niye,’ na valagotiza vandu vanyingi.

Marko 13:6 Iomraidhean Croise

Jeremia 14:14

Navuzwa Yahova yativura, “Avaporofeti yavo vavoola ovovehi mu lieta liange; Inzi si ndaavatuma mba, anoho si ndaavalaga anoho kuvavoolera likuva kali lilara kuvo mba. Amalola gavaporofeta si gaturaa ku inzi mba. Ovoporofeti vwa amalola gaavo voveeye vindu via vuzwa kandi vwi zing'anagani ziuvugadi.

Matayo 24:11

Avaporofeti vovovehi avanyingi valaza na valagotiza avandu vanyingi.

Matayo 24:5

Kigira avanyingi valaza ni vatumikira ilieta liange ni vavoola, ‘Inzi niyie Mesia!’ Navo valagotiza avandu vanyingi.

Marko 13:22

Kigira avamesia na vaporofeti vovovehi valatura nokokola ivilolekizu harara na agokogenyia, vaduuki kogotiza avatovole va Nyasaye, niiva ganyalika.

Marko 13:5

Yeso yavavolera, “Mugerihi, umundu atamugada mba.

Marko 13:7

Lwa muhulira amahi nu lusuma lwa amahi, mutahenda imioyo jinyu mba. Ivindu yivi kuduuka vikoleke; navuzwa ekeheri kikikiri kuduuka.

Yohana 5:43

Inzi mali kuuza nu vunyali vwa Baba wange, navuzwa munyi si mu nyingilizi mba. Navuzwa mundu wundi niyazaa ku vunyali vwivwe mwene, munyi mulamwingiriza vwangu.

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Yohana 8:28

Kunangwa Yeso yavavolera, “Lwa muliiva nimwakaginga Mwana wa Adamu igulu ku musalaba, ulwene yilwo nilwo lwa mulimanya ndi, ‘Inzi niyie,’ kunangwa mulakamanye ndi inzi sinyala kokora kindu choosi ku vunyali vwange mwene, navuzwa mboraa vuzwa aga Baba yanzigiza geng'ine.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.