Marko 13:24 - KITABU KITAKATIFU

²⁴ “Navuzwa mu madiku yago, inyima yi kivi yicho, iliuva lilakamwame, nu umweli si gulakake mba.

Marko 13:24 Iomraidhean Croise

Isaya 13:10

Zing'ereng'ani ziosi ziu muligulu si zilahaana uvulavu mba, liuva lilava kuli kisundi lwalitonga, kandi mweli sigulahaana uvulavu mba.

Jeremia 4:28

Avandu valasioma; ligulu lilava kisundi. Yahova umali kovora kandi sialagirung'anyia zing'anagani zizie mba. Umali kolomba likalaga lilie kandi sialagirung'ana mba.

Ezekieli 32:7

Lwandakakudivizi, ndakakuniki ligulu nokokola zing'ereng'ani kuva kisundi. Ndakakuniki liuva na malesi, kandi mweli sigulaka mba.

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Danyeli 7:10

mugera gwu muliru gwasundukaa kutura muyo. Vaali ho vandu zielefu zinyingi vamutumikira kandi vandi zimilioni vasingira imbiri weve. Kiyaalo chatanga miyinzi, kandi vitabu viakunulwa.

Joeli 2:10

Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Joeli 3:15

Liuva nu mweli vilava kisundi, zing'ereng'ani sizirang'ereng'ana kandi mba.

Amosi 5:20

Yahova lilaleeta kisundi, na uvulavu sivulavaho mba. Lilakave lidiku lie kisundi ligali vugira vong'ereng'anu.

Marko 13:23

Navuzwa mugerihi! Inzi mali kumuvolera ivindu viosi nivikikiri kuduuka.

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.

2 Petro 3:12

nimulindiliraa Lidiku lia Nyasaye kandi mukore vulahi kulilomba liduuki vwangu. Ku Lidiku yilio, ligulu lilakasambwe nu kudivizwa, ni vindu vialio viosi vilasaluluki no lomemo lonene.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.