Marko 13:11 - KITABU KITAKATIFU

¹¹ Lwa vamugumira nu kumuhila mu viyaalo, mutahenda mioyo kigira agamuduukanaa kovora mba. Navuzwa muvoore amakuva goosi agamulihevwa ing'inga yeyo kigira simuveeye ni munyi avalivoola, navuzwa Roho Mutakatifu.

Marko 13:11 Iomraidhean Croise

2 Samweli 23:2

Roho wa Nyasaye amolomaa kuvitira mu inzi: Makuva geege gaveeye mu munwa gwange.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Matayo 10:17

Mugerihi ku avandu, kigira valamuhira mu viina, na valamukuyila mu masinagogi gaavo.

Marko 13:12

Mundu alazaama amwavo weve ukwitwa, kandi baba alazaama umwana weve; na avana valingilira aviivuli vaavo nu kuviita.

Marko 13:9

“Munyi aveene muve avageri. Avandu valakamuzaame, nukumugumira nukumuhira mu viyaalo. Kandi valakamukuyiri mu masinagogi. Mulakasingiri imbiri wa vamiihi na avami vanene vikivala kigira inzi, muduuki kuva avalolekizi vange kuvo.

Luka 21:12

Navuzwa imbiri wi vindu yivi nivikikiri kwekoleka, valamugumira nukumudambiza. Valamuzaama nukumuyaala ku vanene va masinagogi kandi muvofe mu vuhambe. Mulahilwa imbiri wa avami vanene na avamihi kigira lieta liange.

Yohana 3:27

Yohana yavavolera, “Mundu sianyala kuva ni kindu nataheeveywi na Nyasaye mba.

Vikolwa 2:4

Vosi vizura Roho Mutakatifu, kandi ni vatanga komoloma mu zinimi zindi, kuli Roho yavaha livoora.

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.

Vikolwa 4:31

Lwa vamala kusaala, havundu ha vavuganira harara hadegerizwa. Vosi vizura Roho Mutakatifu kandi ni vatanga kwilwaza likuva lia Nyasaye nuvuluviliri.

Vikolwa 6:10

Navuzwa sivali vanyara kumuguuta mba, kigira ovogeri vwivwe kandi kigira Roho Mutakatifu wamwimilira mu livoora lilie.

Vikolwa 6:15

Avandu vosi avaari mu chikalo chi kiyaalo vuumika Sitefano, nivalora mumoni mwimwe muveeye kuli mumoni mwe engelosi.

Vikolwa 7:55

Navuzwa Sitefano, ni yizuuyi Roho Mutakatifu mba, yumika mwigulu, nalora uvukumi vwa Nyasaye, kandi Yeso nasingiyi ha mukono mulungi gwa Nyasaye.

1 Vakorintho 2:13

Kunangwa kunyi sikomolomaa mu makuva no vogeri vwa vandu, navuzwa mumakuva gigizwa na Roho Mutakatifu, kuli kwivaala agiligali gu vutakatifu ku yavo avaveeye na Roho.

Vafeso 3:5

Zing'inga ziavita, mundu siyavoolerwa amakuva gaviswa yaga mba, navuzwa Nyasaye umali kugavura kalunu ku Roho ku avatumwa na vaporofeti veve vatakatifu.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.