Marko 12:32 - KITABU KITAKATIFU

³² Umwigizi wi Lilaga oyo yamuvolera, “Vulahi Mwigizi! Ovooye agiligali ndi Nyasaye aveeye mulala vuzwa; sihaveeyeho nu wundi, nataveeye oyo.

Marko 12:32 Iomraidhean Croise

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Marko 12:29

Yeso yamutivulira, “Liukutanga ni yili: ‘Muhuliri, munyi avandu va Isiraeli! Mwami Nyasaye wiitu niyie Nyasaye yeng'ine.

Marko 12:33

Kuduuka umundu ayaanze Nyasaye nu mwoyo gwigwe gwosi, ni zing'anagani zizie ziosi, ni zinguru zizie ziosi; kandi kuduuka ayaanze umutende weve kuli yiyanzaa mwene. Likuva yili liveeye ilinene kuvita kuhaana visiuviliru vindi viosi ku Nyasaye.”

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Kwidzulitsa 5:7

“Mutasigamiri avanyasaye vandi, navuzwa inzi nzieng'ine.

Kwidzulitsa 6:4

“Muhuliri, O, avandu va Isiraeli; Yahova; Yahova yeng'ine, aveeye Nyasaye wiitu.