Marko 12:24 - KITABU KITAKATIFU

²⁴ Yeso yavavolera, “Munyi mugotwa ligali, kigira si mumanyi Amang'oda Matakatifu, anoho izingulu zia Nyasaye mba.

Marko 12:24 Iomraidhean Croise

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Hosea 6:2

Inyima wa madiku gaviri, alakokola kove avahia; ku lidiku lia kavaga alakusingiliza, kandi kulamenya muye.

Hosea 6:6

Inzi nzegomba munyi kuva nu vuyanzi vwa kazozo navuzwa si nzegomba visiuviliru vinyu viezinyama mba. Inzi nzegomba avandu vange vamanye inze kuvita kuhana vihanwa kuinzi.

Hosea 8:12

Inzi ndaavang'odera ivindu vinyingi vielilaga liange, navuzwa vaavivugula kuva kuli kindu kegeni.

Matayo 22:29

Yeso yavativulira, “Agiligali munyi muveeye avadamanu, kigira si mumanyi Mang'oda Matakatifu, anoho zinguru zia Nyasaye mba.

Marko 10:27

Yeso yavahenza, navavoolera, “Siganyala kunyalika ku avandu mba, navuzwa ku Nyasaye sigaveeye ndio, kigira ku Nyasaye vindu viosi vinyalikaa.”

Marko 12:23

Kalunu, lwa avakuzu vosi valisimuguka ku lidiku lie lisimuguka, mukali uyu aliva wa vwaha? Kigira avamwavo yavo saba vosi vaali naye kuli umukali wavo.”

Marko 12:25

Lwa vakuzu valisimuguka, sivaliserera, anoho koselerwa mba, navuzwa valakave kuli zingelosi mwigulu.

Luka 1:37

Kigira ku Nyasaye, si keveeye ho kindu ikitanyalikaa mba.”

Yohana 20:9

Yeso umali kusimuguka. Navuzwa sivamanyiriza aga Mang'oda Matakatifu gavoora ndi kuduuka Yeso asimuguki kutura mu vakuzu mba.

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

Vafeso 1:19

Kandi muduuki kumanya kuli ovonene vwi zinguru zizie vuyinziraa mu kunyi avakusuuviraa. Zinguru yizi ziyinziraa mu kunyi yizio, ziveeye zindala nzere kuli zinguru zinene ligali,

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.