Marko 11:20 - KITABU KITAKATIFU

²⁰ Mugambazuri ku lidiku lialonda ku, lwa vaali ni vavitaa, valora umukuyu ni guniaye gwosi, kali ni miri jagwo ndio.

Marko 11:20 Iomraidhean Croise

Ayubu 8:17

Imiri jacho jierizanyia ku magina, kandi jigumira vudinyu ku magina.

Isaya 40:24

Vaveeye kuli vitagwa vidoto, kandi vimera, navuzwa vikikiri kuhila imiri. Lwa Yahova atuumaa imbuza, vimanya viniara ma viuma, ma kihuzuzi kikihuuza kuli vunyasi vwumu.

Isaya 5:4

Keveeye ho ni kindu chandavula kokora mu kizabibu yiki? Kunangwa, kigira ki mizabibu jamaa mazabibu malulu havogono vwa mazabibu malahi?

Matayo 13:6

Navuzwa lwi iliuva liatura, uvuguza vwali ni vomeri vwaniala. Na kigira imiri javwo sijali ni zinguru, vwuma nulwazana.

Matayo 15:13

Navuzwa Yeso yativura navoora, “Kitagwa choosi cha Baba wange wu mwigulu atasimika kiliifwa.”

Matayo 21:18

Lwa Yeso yaali ni yirana mu lidaala mugambazuri, yaali ninzara.

Marko 11:12

Lidiku lialonda ku, lwa vaali ni vaatura Bezani, Yeso yaali ninzara.

Marko 11:14

Yavolera umukuyu zana “Mundu atalia kandi amakuyu googo imihiga josi mba.” Aviigi veve vahulira amakuva yago.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Vahebraina 6:8

Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.

Yudasi 1:12

Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.