Marko 11:13 - KITABU KITAKATIFU

¹³ Maku yalora umukuyu na aveeye ihale, ugwali na matu amanyingi. Yazia nahenza ku mbula anyoore ku kindu. Lwa yaduuka kugwo si yanyoora ku ikindu cha alia mba, navuzwa amatu geng'ine kigira si yaali ing'inga ya makuyu kwama mba.

Marko 11:13 Iomraidhean Croise

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Matayo 21:19

Yalora mukuyu kunyasi kwi inzira, maku yazia kugwo, navuzwa si yanyoora kindu kugwo mba, nigatali amatu geng'ine. Yagovoolera, “Utama kandi amakuyu mihiga josi mba!” Ahene yaho, mukuyu gwaniala.

Marko 11:12

Lidiku lialonda ku, lwa vaali ni vaatura Bezani, Yeso yaali ninzara.

Marko 11:14

Yavolera umukuyu zana “Mundu atalia kandi amakuyu googo imihiga josi mba.” Aviigi veve vahulira amakuva yago.

Luka 10:31

Musaalisi mulala yasulungutira kunzira yeyo, na lwa yalora mundu oyo, yavitira halovega.

Ruth 2:3

Ruzi yazia mu mulimi nagenda inyima wa vagesi, nadoolanga viangala viengano ya valeka mu. Gakolekaa ndi, yazia mu mulimi gwa Boazi, uwinyumba ya Elimeleki.

1 Samweli 6:9

Kunangwa muhenze kuli lilazia. Niiva lizia lovega loheenza lidaala lia Bezi-shemeshi, yaga gaveeye kovora ndi, ni Nyasaye wa vandu va Isiraeli umali kutuma amaduywa gukutihiza yaga ku kunyi. Navuzwa nilitazia yo, ahene yaho kulamanya ndi siyatuma maduywa yaga mba. Gaali vuzwa ameegendera.”