Marko 10:30 - KITABU KITAKATIFU

³⁰ alanyoola haali kanyingi ligali mu ing'inga ya kalunu yiyi. Alakanyoole haali mia izinyumba, avamwavo, avavozo, avamama, kandi avana ni milimi kandi ni lidambizwa; ma kandi mu ing'inga yiza, alakanyoole livamwoyo litahera mba.

Marko 10:30 Iomraidhean Croise

2 Kyetsinyinga 25:9

Na mwami Amazia yateeva muporofeti uyu, “Navuzwa kulakola ki ku ifeza yamali kuhaana ku vasaza yava?” Na muporofeti yamutivulira, “Yahova alakwilanyira vinyingi kuvita yivi!”

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Tsing'ano 16:16

Ni vulahi ligali kuva no vogeri kandi ni limanya kuvita kuva ni zahabu harara ni ifeza.

Malaki 3:10

Muleete kidieli chiinyu choosi chi likomi mu Litembeli, kunangwa litembeli live ni viukulia vinyingi. Mungerizi na inzi ndigula madirisha gu mwigulu kandi ndahaana vugasu vwi vindu vilahi vinyingi vie zing'ano ziosi kumunyi.

Matayo 12:32

Ku vosi ovola ilikuva lio konyega Umwana wa Adamu alasaamiifa, navuzwa oyo ovola ilikuva lio konyega Roho Mutakatifu, sialisaamiifwa kali mu likula lia kalunu yili, anoho mu likula iliiza mba.

Matayo 13:8

Uvundi vwagwa mu marova magunamu, ni vwama uvuswage. Vulala vwama imia ndala, uvundi sitini, nu uvundi salasini.”

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Luka 18:30

ulivula konyoora vinyingi ligali mu ing'inga ya kalunu, kandi konyoora livamwoyo litahera mba mu ing'inga yiza.”

Yohana 10:23

Yeso yaali nagenda mu Litembeli, mu lusimbu lwa Solomoni.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 16:25

Ahimbi vudiku hagati, Paolo na Sila vaali nivasaara nivimba zinyimbu ziu kwizominya Nyasaye, na avahambe vandi nivavahuliriza.

Vikolwa 5:41

Kunangwa avatumwa vaatura mu kiyaalo ni vayaanza ligali kigira Nyasaye yalora sivadukanaa kuvikwa mu zisoni kigira lieta lia Yeso mba.

Varumi 5:3

Kunyi kandi kusangaliraa ikivi chietu, kigira kumanyi ndi ikivi keleetaa vwikuziri,

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

2 Vakorintho 6:10

kali nikovererizwa, koveeye nu vusangali kazozo; kololeka kuli avadaka, navuzwa kokoraa vanyingi kuva vatugi; kololekaa kuli avataveeye ni kindu, navuzwa koveeye ni vindu viosi.

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.