Marko 10:24 - KITABU KITAKATIFU

²⁴ Aviigi vagenya ku makuva yaga. Yeso yavavolera kandi, “Vana vange, voveeye vudinyu umutugi kwingira mu Vwami vwa Nyasaye!”

Marko 10:24 Iomraidhean Croise

Zaburi 17:14

Ombonyie, kutura ku yava avaveeye na viosi iviavenyaa mu livamwoyo yili. Uvahe mageri nuvusaliri vululu uvwuwavavikira leka avana vaavo vanyoore mageri gavaduukanaa, amagari gandi kandi gatigalili visukululwi viavo.

Zaburi 52:7

“Heenzi mundu uyu si yenya kweleda ku Nyasaye amusoore mba, navuzwa yasuuvira mu vutugi vwivwe ovonene, kandi yenya uvuhaliru mu vutugi vwivwe.”

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Tsing'ano 11:28

Yavo avaviika zing'anagani ziavo mu vutugi vwavo valavunguluka kuli matu gi misaala mu ing'inga yiligesa, navuzwa valungi valazizagilira kuli matu gimisala mung'inga yumbasu.

Tsing'ano 18:11

Avandu vatugi vaganagana ndi, vutugi vwavo vuvakingaa kuli lidigi litambi lie zinguru liakumberiza lidaala.

Tsing'ano 23:5

Vutugi vuvwo vunyala kogota kutura ku ivi vwangu, kuli vomeli zimbaha nukuburuka kuli indizu.

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Habakuk 2:9

O, vayaayi, munyi mwalaamwa kigira mumali kuhaana ku vandu vi zinyumba zienyu vutugi kutura ku vindu via mwanyaga vandi kuzinguru. Mugerizi kukinga hango hinyu kutura ku vusaliri kandi vuhimwa!

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Matayo 19:25

Lwa aviigi vahulira ndio, vagenya ligali, ni nivavoora, “Ku, nivwaha unyala kohonywa?”

Marko 1:27

Avandu vosi vagenya ligali. Vateevana aveene naveene nivavoora, “Kindiki yiki? Ni amigizu amahia! Umundu uyu aveeye ni zinguru ku mademoni, kali kuduuka gamuhulira!”

Marko 10:23

Yeso yahenza zimbega ziosi navolera aviigi veve, “Vulakave uvudinyu kuvatugi kwingira mu vwami vwa Nyasaye!”

Luka 16:14

Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese.

Yohana 13:33

“Avana vakekeeke vange, ngikiri ni munyi ku ing'inga engekeeke vuzwa, itigaaye. Mulakanyenye, navuzwa kuli ndavolera avanene va Avayuda, kalunu inzi muvooleraa kandi, ‘Uwanziza munyi simunyala kuzia yo mba!’

Yohana 21:5

Maku, Yeso yavateva, “Avana, mukagumiyi ku zisuzi ziosi naho?” Vaamutivulira, “Awa.”

Yohana 6:60

Lwa avanyingi ku aviigi veve vahulira yaga, vavoola, “Yaga na amigizu amadinyu! Nivwaha unyala ku gahuliriza?”

Vagalatia 4:19

Avana vange, avayaanze! Kuli mukali oveeye ni inda ahuliraa uvuzunu vwi inumwa, nindio inzi mbulira uvuzunu kigira munyi kuduuka lwa muva kuli Kristo mwene.

1 Yohana 2:1

Avana vange vayanze, mung'oderaa amakuva yaga; kunangwa muvuli kokora uvwoni. Navuzwa mulala naava naakora uvwoni, koveeye nu mulala okomolomeraa ku Baba, naye ni Yeso Kristo, oveeye umulungi yenyine.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

1 Yohana 5:21

Avana vange vayanze, mwerehe kandi mwilindi aveene ku avanyasaye vu vugadi.

Likunula 3:17

Ivi ovola, ‘Inzi mbeeye umutugi, kandi simbeeye ni lienya kindu.’ Navuzwa siumanyi kuli oveeye novovereri! Oveeye mudaka, umboku, kandi chahonyo!