Marko 10:14 - KITABU KITAKATIFU

¹⁴ Lwa Yeso yalora yaga, yavihilirwa navavoolera, “ Leki avana vakekeeke vaze ku inzi. Mutavagaya mba, kigira Uvwami vwa Nyasaye voveeye vwa vandu vaveeye kuli avana yava.

Marko 10:14 Iomraidhean Croise

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Zaburi 78:4

Sikulavivisa ku avana viitu mba; kulavolera likula lizaa amakuva gi zinguru zia Yahova ni vikolwa vivie vinene, kandi ivindu viokogenyia via mali kokora.

Isaya 65:23

Si valakola miyinzi ja vuzwa mba, kandi si valivula avana vaduuki mu kivi mba, navuzwa ndagasiza avandu vange, kandi avana harara ni visukululwi viavo valagasizwa muzing'inga ziosi ziza.

Livalidza 14:31

Navuzwa vana vinyu avamwavoola valagumirwa, ndavaviika mu kivala cha mumali kusuura yiki, na kilava chavo.

Matayo 18:10

“Mulole ndi muvuli kuchaya mulala ku vakekeeke yava inzi muvooleraa. Zingelosi ziavo mwigulu, ziveezaa imbiri wa Baba wange vuli kazozo. [

Matayo 18:4

Ku vosi uwegehizaa kuli umwana mukekeeke uyu, aveeye umunene mu Vwami vwu mwigulu.

Matayo 19:14

Yeso yavoola, “Leki avana vakekeeke vaze ku inzi. Mutavigalira mba, kigira Uvwami vwu mwigulu voveeye vwa avandu kuli yava.”

Matayo 5:10

“Vaveeye nuvugasu avadambizwa kigira uvulungi kigira Uvwami vwu mwigulu nu vwavo!

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Marko 3:5

Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Marko 8:33

Navuzwa Yeso yagirung'ana nahenza aviigi veve naagondokera Petero na amuvoleraa, “Tula muzimoni ziange ivi Setani! Zing'anagani zizio siziveeye zia Nyasaye, navuzwa ni zia vandu.”

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Vikolwa 3:25

“Lisuuvirizwa lia Nyasaye kuvitira mu avaporofeti veve, gaveeye kigira munyi; na munyi musangaa mu lilagana lia Nyasaye yalomba na avaguuga vinyu. Kuli yavolera Aburahamu, ‘Kuvitira mu visukululwi vivio ndakagasizi avandu vosi ku lirova.’

Varumi 11:16

Niiva kedonye chu kutanga chu mugadi kihanwa ku Nyasaye, kunangwa mugadi gwosi goveeye gwa Nyasaye, kandi niiva imiliju musaala jihaanwa ku Nyasaye, iziisia nazio ni zia Nyasaye.

Varumi 11:28

Kigira vasuura makuva malahi, Avayuda vaveeye vasigu va Nyasaye kigira munyi vandu vizihiiri. Navuzwa kigira litovola lia Nyasaye, vaveeye avalina veve kigira avaguuga vaavo.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Vakorintho 7:14

Musaza utasuviraa agirung'anywaa na Nyasaye kuvitira mu mukali weve; kandi umukali utasuviraa agirung'anywaa kuvitira mu musaza weve. Kigira yaga avana vaavo sivakaveeye avatakase imbiri wa Nyasaye mba. Navuzwa kuli gaveeye kalunu, yavo vaveeye vatakatifu imbiri wa Nyasaye.

Vafeso 4:26

Nimuveeye nuvutima, mutakoli uvwoni mba. Mutaleki liuva liyeere nimuveeye nuvutima mba.

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.

Joshua 8:35

Vuli lilago ku malago ga Musa gasomwa na Joshua ku livugana liosi lia vandu va Isiraeli, avakali, avana harara na avageni vamenya hagati haavo.

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

Likunula 14:5

Sivanyooleka kuva avavehi mba, kigira sivaveeye nimbara anoho kindu kidamanu kuvo mba.

1 Samweli 1:11

Hana yalagana na Nyasaye navoora, “O, YAHOVA WANYALA VIOSI, henza ku inzi mutumikiri woovo! Lola vudinyu vwange na unzizulizi! Utanzivilira mba! Numba mwana muyaayi, inzi suuvirizaa ndi ndamuhaana ku ivi, Yahova, mu livamwoyo lilie liosi na sialivega liisu lilie.”

1 Samweli 1:22

Navuzwa ing'inga yiyi Hana siyaazia yo mba. Yavolera musaza weve “Lwu mwana uyu alekela kunuuna, ndamuhila munyumba ya Nyasaye, uwa alimenya madiku geege goosi.”