Malaki 3:2 - KITABU KITAKATIFU

² Navuzwa nivwaha unyala kwikuzira kulindilira ku lidiku yilio lwaliza? Nivwaha ulakahononoke lwa aliloleka? Alakaze ni zinguru kuli Isavuni, kandi kuli muliru gwu kutura kivia.

Malaki 3:2 Iomraidhean Croise

Litanga 19:28

Aburahamu yahenza ku madaala ga Sodoma na Gomora, na yalora mwoki niguduumaa kutura mu livona lie kivala choosi, kuli mwochi gutulaa mu kisambiru ekenene.

Ayubu 28:1

Ligali haveeye ho na malina umwa izahabu iyavangwa. Haveeye ho havundu aha izahabu isiyilangwa.

Zaburi 130:3

O, Yahova, niiva wakang'odi nukwizuliza livaliza liu vwoni vwitu, nivwaha wakahoni kutura mu likalagirwa?

Zaburi 2:7

Mwami avoora, “Ndalandiza aga Yahova Nyasaye Wuvunyali yambolera, ‘Ive oveeye mwana wange muyaayi; kalunu inzi mali kugwa baba woovo.

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Tsing'ano 25:4

Nutuliza mandu ku ifeza ma uhaane kumutuli, muturi uyu alalomba kindu keveeye kilahi ligali kutura ku mandu yaga.

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Isaya 4:4

Yahova mu zinguru zizie, alakalagira kandi alatakasa ihiiri nukusamiiha mahiolo ga vandu va Jerusalemi kandi amasahi gataaza mu Jerusalemi.

Jeremia 2:22

Kali niiva mulisinga ni isavuni inyingi ligali, navuzwa uvudamanu vwinyu vulaloleka imbiri wange.

Ezekieli 22:14

Na musuuviraa mulazizagilira kuva nuvuluviliri anoho mulava ni zinguru mulidiku lia namudivizi? Inzi Yahova mali kovora kandi ndakakole ndio.

Danyeli 11:35

Valala ku vimiliri vageri valakitwi, navuzwa kigira yaga vandu vanyingi valakatakaswe. Yiki kilakazizagiliri kuduuka lwe keheri kilakaduuki, ing'inga ya Nyasaye amali kotovola.

Joeli 2:11

Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 25:10

Navuzwa, lwa vakana vasiru vaali ni va kiziyi kugura amaguta, Mwami wa seleraa mwiha yaza. Avakaana vagima avageri avaari nivetegeki, vingira harara naye munyumba ye keserero, ma kiliango ni kihanwa.

Marko 9:3

Zinguvu zizie ziagwa izindavu ligali, kali mufuyi wumulirova siyaali yakanyali kuzilaviza zing'ereng'ane kuli ndio mba.

Luka 2:34

Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Luka 3:17

Aveeye kuli mundu oveeye nu lwuvivu lwe kesesero mukono gwigwe kandi. Alalaviza loze lwilwe ligali kandi ateere uvuswage mu kedeera, navuzwa mukuuzi alagusaamba numuliru ugutasimaa.”

Luka 3:9

Navuzwa kalunu imbaazi etekekeywi kotemaga imiri jimisaala. Musaala gwosi ugutamaa amakuyu malahi gulatemagwa nokoteevwa mu muliru.”

Luka 7:23

Vaveeye nu vugasu yavo vatahayahayaa kigira inzi.”

Yohana 8:55

Munyi mukiri kumumanya, navuzwa inzi mumanyi vulahi. Niiva ndakavooye si mumanyi vulahi ndakaveeye muvehi kuli munyi. Navuzwa inzi mumanyi vulahi kandi ngumira likuva lilie.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Likunula 19:8

Aheveywi zinguvu zindavu kwivika ziveeye vikolwa vilungi via vandu va Nyasaye.”

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.

1 Samweli 6:20

Kunangwa avasaza va Bezi-shemeshi vavoola, “Ni vwaha unyala kusingira imbiri wa Yahova, Nyasaye Mutakatifu uyu? Kunyala kumuhila hayi atuli ku kunyi?”