Malaki 3:15 - KITABU KITAKATIFU

¹⁵ Kuli kololaa, vandu vaveeye ni lielola nivo vaveeye nu vugasu. Avandu vadamanu sivanyoola vuzwa vutugi mba, navuzwa vageriza liekuzira lia Nyasaye mu vikolwa viavo vidamanu ma vahononoka.’ ”

Malaki 3:15 Iomraidhean Croise

Esther 5:10

Navuzwa yikuzira ma nazia yengo. Maku yagenihiza avalina veve munyumba yeeye, kandi nalanga mukali weve Zereshi kuva mulala ku vageni.

Ayubu 1:22

Kali mugoosi gekoleka, Ayubu siyakola uvwoni anoho kudura Nyasaye mba.

Ayubu 12:6

Avanuuli vaveeye nu murembe, kandi avavihirizaa Nyasaye, vaveeye mu vulindi vulahi kandi mu mirembe, nyasaye wavo ni zinguru ziavo.

Ayubu 21:30

Ku lidiku lia Nyasaye aveeye nu vutima nukuhaana mageri, umundu mudamanu niyie ohonyiangwa kutura mu kivi.

Ayubu 22:23

Wirane ku Nyasaye Wuvunyali kandi wegehize kuye, kandi utulize uvudamanu vwosi munyumba yooyo.

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 106:14

Navuzwa vizura likayirwa linene lie chukulia mu changalangwe, ma nivageriza Nyasaye.

Zaburi 141:4

Utaleka mwoyo gwange gukayilwi kokora uvudamanu mba, kandi utaleka mbe ni lihambana harara na vandu vadamanu mu vudamanu vwavo mba, kandi mbule kusanga mu lisangala lie lilia liavo mba.

Zaburi 49:18

Kali niiva mundu yigutizwa ni livamwoyo yili, na yizominywa kigira limedeka lie miandu jije,

Zaburi 58:2

Awa! Munyi muganaganaa vuzwa uvudamanu vwa munyala kokora, kandi muvunagaa malago nuvutindi vwu kusaliriza mu kivala.

Zaburi 73:12

Nindio avandu vachamu vaveeye; avaveeye mu lielemeriza kazozo, kandi vameedeka uvutugi vwavo vuli ing'inga.

Zaburi 73:3

lisuuvirizwa liange liali ahimbi kogota, kigira ndaali ni likendeka ku avigingiri lwa ndaalora lizizagilira lilahi lia avandu vadamanu.

Zaburi 78:18

Vasavira ligali kogeriza Nyasaye mu mioyo jaavo, ku liteeva vahevwe viukulia kuzinguru via vakayirwa kulia.

Zaburi 78:41

Vageriza Nyasaye kase na kase, Nivaleeta vuzunu vululu ku Nyasaye Mutakatifu wa Isiraeli.

Zaburi 78:56

Navuzwa avandu va Isiraeli vibaara ku Nyasaye Wuvunyali, kandi nivamugeriza. Sivahulira malago geege mba.

Zaburi 95:9

Wene yeyo, vamimbiika mu magerizu kandi ni vangeriza, kali niiva vaali nivaloli aga ndavakolera.

Tsing'ano 12:12

Avandu vosi avachamu venyeleriza kokora vindu vidamanu, navuzwa vandu valungi vasingira vudinyu.

Kohelethu 8:14

Keveeho ni kindu kindi keveeye vuzwa mu kivala. Ing'inga yindi mundu mulungi anyoora mageri gu mundu muchamu, kandi mundu muchamu anyoora madanyi gu mundu mulungi adukanaa anyoore. Yaga kandi gaveeye vuzwa.

Isaya 2:22

Mutaviika lisuuvira lienyu mu avandu mba, kigira vaveeye kuli umwika. Vaveeye na vokonyi ki?

Jeremia 7:10

Munyi mukoraa vindu yivi via inzi suraa maku muzaa kusingira imbiri wange mu Litembeli liange nimuvooraa, ‘Kunyi kwahonywa!’

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Danyeli 6:16

Kunangwa mwami yahaana malago gu kugumira Danieli kandi nukusiuvwa mu luhangaywa lwizura zisimba. Mwami yavolera Danieli, “Nyasaye woovo wa usaala mu giligali ayaanze akosole.”

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Vikolwa 12:21

Kunangwa ku lidiku lilala lia Herodi yatovola, yiviika ziganza zizie ziu vwami, niyikara kondeve yi kiyaalo, namoloma ku avandu yavo.

Vikolwa 5:9

Navuzwa Petero ya muvooleraa, “Kigira ki ivi numusaza woovo mutovooye kogeriza Roho wu Mwami? Henza! Avandu vaziyi kuyavira musaza woovo vaveeye ha kiliango, navo valakuginga nu kukuhira ichova.”

1 Vakorintho 10:9

Kutageriza Mwami kuli valala kuvo vamugeliza ma niviitwa ni zinzoka mba.

Vahebraina 3:9

Nyasaye avoora, vababa vinyu vambiika ku kegero kandi nivangeriza, kali niiva valora miyinzi jange ku mihiga arubaini.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”