Malaki 3:11 - KITABU KITAKATIFU

¹¹ Sindalekazingeza ziononye vitagwa vienyu mba, kandi ji mizabibu jinyu jilama makuyu manyingi.

Malaki 3:11 Iomraidhean Croise

Jeremia 8:13

“Ndeenya kuviika avandu vange harara kuli umulimi avungiza ligesa lilie harara navuzwa vaveeye kuli mizabibu vugira amakuyu; kali amatu gene gamali kuniara. Kulwayago, mali kuvugilira avageni kuvugura kivala chavo.”

Hosea 2:21

Ku ing'inga yene yeyo ndahaana mativuli ku lisaala lia avandu vange Isiraeli.

Joeli 1:12

Makuyu gi mizabibu ni misaala ja makuyu jimali kuniara; misaala giosi ja matunda ja vunguluka kandi jaakuza. Vusangali vwavandu vwagota.

Joeli 1:4

Vikoonya vie zisigi viayeraa ku vitagwa kuzing'inga lugano lugano; che kekoonya kilala cha leka, kekoonya chakaviri cha diviza.

Joeli 1:7

Zimali kwononyia Makuyu gi mizabibu nukulia misaala jietu ja makuyu jietu. Zikuvuyi magodo gajio, iziisia zitigaye zinzere.

Joeli 2:20

Ndatulizaho Zisigi zinyingi ziatula ivaale ndakunga zindala kuzio kuzia mu changalangwi. Zisigi iziezidaraja ziembiri zilakungwa kuzia mu inyanza yi jumbi, zidaraja ziazio zitahulirika ligali mu Meditareniani mba. Imiviri jiazio mikuzu jilafunya vugundu. Ndazidiviza kigira goosi agazimali kumukolera.

Joeli 2:22

Zinyama, mutatia mba. Uvwayiru vusivuki; misaala jamaa makuyu gajo, mikuyu na mizabibu jiveeye ho muvunyingi.

Joeli 2:25

Ndamwiranyira via mwagotiza ku mihiga je kiduma chi zisigi lwa zialia vitagwa vienyu. Yaali inzi uwatuma amahi gu vulwani kumwingilira.

Amosi 4:9

“Ndaamutumira vukindu vusamba viukulia nukwononyia vitagwa vienyu. Zisigi zialia vitagwa mu milimi jinyu ni vizabibu vienyu kandi milimi ja mizeituni jinyu. Navuzwa munyi simwirana ku inzi mba.

Habakuk 3:17

kali niiva misaala ja makuyu givula kulaviza kimuli, anoho makuyu gavuli kuva ku muzabibu, kali ndio mizeituni givuli kwama, kandi milimi givuli kwama vuswage, kali niiva viayo viosi via magondi vikuza, kandi vigo vivuli kuva ni mitugu,

Haggai 1:11

Inzi mali koleta kimeyu mu kivala choosi: ku vigulu, mu milimi ju vuswage, mu milimi ji kizabibu kandi mu milimi ja mizeituni, kandi ku vuli kitagwa kimeraa, ku vandu, zinyama kandi ku vuli kindu cha mugerizaa kutaga.”

Haggai 2:17

Ndaatuma kihuzuzi kandi imbura ya magina kudiviza vindu viosi via mwageliza kutaga, navuzwa si mwiganira mba.

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.

Kwidzulitsa 11:14

Ni mukora ndio, alatuma imbura mu kivala chienyu mu zing'inga ziayo, imbura yukutanga kandi imbura yi chuvwi, kunangwa muduuki kuva nuvuswage, iwaini kandi maguta ga muzeituni.