Malaki 2:14 - KITABU KITAKATIFU

¹⁴ Muteeva, “Kigira ki navula kuvivugilira?” Kigira yamanya vulahi ndi wavunaga malago ku, mukali wa waleeta nukikiri musoleri. Yaali mukali woovo kandi wavunaga lilagana liilio kuye, kali niiva walagana imbiri wa Nyasaye ndi ulava musuuvirifu kuye.

Malaki 2:14 Iomraidhean Croise

Litanga 2:18

Maku Yahova Nyasaye yavoola, “Si voveeye vulahi umundu komenya yeng'ine mba. Inzi ndamulombera mukonyi udukana naye.”

Litanga 31:50

Labani yaazizagilira kovora, “Niiva alakolera vakana vange vudamanu anoho oleete vakali vandi komeeda ku vakana vange, kali niiva sindavula kumanya, wizulizi ndi Nyasaye aveeye muloli hagati hiitu.

Tsing'ano 2:17

Mukali uyu siaveeye nilisuvira kumusaza weve mba kandi yivilira lilagana lilie litakatifu.

Tsing'ano 30:20

Mukali oveeye muheyi akolaa kuli ndi: akolaa voheyi, ma yisinga, kandi avoora, “Ngoli kindu kidamanu mba!”

Tsing'ano 5:20

Mwana wange kigira ki uhaane vuyanzi vuvwo ku mukali muheyi? Kigira ki uyanzaa mukali wu musaza wundi?

Kohelethu 9:9

Ove nu vusangali nu mukali wa uyanzaa lwa umenyi livamwoyo lia vuzwa mu kivala cha Nyasaye akoheeye; usangaliri vuli lidiku kali live litaduukanaa kigira yiki nicho kidieli mu livamwoyo liilio kandi miyinzi ja makono googo mu kivala yiki.

Lwimbu lwa Solomoni 1:15

Muyanze wange, oveeye mulahi ligali; zimoni zizio zing'ereng'ana kuli zielikulu!

Isaya 54:6

Isiraeli, Ivi oveeye kuli mukali mukana, uwalekwa nu musaza weve na oveeye mu livererizwa linene. Navuzwa Yahova akulangaa wirane kuye, na avoora:

Isaya 58:3

Avandu vateva, “Kigira ki kunyi kohonge lilia niiva Yahova sialola mba? Kigira ki kwegehiza niiva ivi si uvugulaamu logendo mba?” Yahova avavolera, “Agiligali gaveeye ndi, ku ing'inga ndala nzere ya muhongaa lilia, munyi mwenya vuzwa lieyanziza lienyu aveene, ni mudambiza avayinziri vinyu vosi.

Jeremia 29:23

Yiki kilava ikivi kuvo, kigira valoleki kuva nuvwoni uvudamanu ligali. Vamali kokora ovoheyi kandi vamali kovora ovovehi mu lieta lia Yahova. Yaga gaali amadamanu ku Yahova; yamanya ligali agavamali kokora, kandi aveeye mulolekizi kuvo. Yahova Wuvunyali umali kovora.”

Jeremia 42:5

Maku avandu vosi vambolera, “Yahova ave muloli wa agiligali kandi musuuvirifu ku kunyi niiva sikulatia amalago goosi aga Yahova Nyasaye wiitu ahaanaa ku ivi kigira kunyi.

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Jeremia 9:2

Nzegomba ndava na havundu ho komenya muchangalangwe, handali nyalakuva ihale kutura ku avandu vange. Vosi sivaveeye avasuuvirifu mba, vaveeye umuganda gwa vazami.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Mika 1:2

Muhuliri yaga munyi zihiiri ziosi; hulirizi ku amakuva yaga, vosi avamenyi ku lirova! Yahova Wuvunyali alava mulolekizi ku vindu vidamanu via mwakora. Muhuliri! Yahova amolomaa kutura mu litembeli lilie Litakatifu.

Malaki 2:15

Nyasaye yalomba munyi vosi kuva muviri mulala kandi Roho mulala. Lienya lilie liali ndi muduuki konyoora avana vaveeye vandu va giligali va Nyasaye. Kunangwa mulole ndi mutavunaga lilagana lienyu na vakali vienyu mba. Vuli mundu agumili lilagana lilie nu mukali weve.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Malaki 3:8

Inzi ndeva munyi ndi, voveeye vulahi mundu kugaada Nyasaye? Awa sigaveeye vulahi mba, navuzwa munyi mungadaa, kandi muteeva, ‘Kugaada kuli ndi?’ Mungadaa lwa muhaanaa kidieli chi likomi kandi mu vihaanwa.

Vakalagi 11:10

Vaamuvolera, “Kunyi kuvugiliiyi. Yahova nu muloli wiitu.”

1 Samweli 12:5

Samweli yavavolera, “Yahova kandi mwami wamali kotovola vaveeye avaloli lidiku lia lero ndi munyi si munyooye nimbara mba.” Vativura nivavoola, “Yee, Yahova aveeye muloli wiitu.”