Malaki 2:10 - KITABU KITAKATIFU

¹⁰ Kunyi kwosi sikoveeye na baba mulala? Siaveeye Nyasaye mulala mwene walomba kunyi kwosi? Maku kigira ki kuvunagaa lilagana lietu lia kwalomba mulala nu wache, kigira ki kolegelizaa lilagana lia Nyasaye yalomba navaaguuga viitu?

Malaki 2:10 Iomraidhean Croise

Nehemia 13:29

Wizulizi, O, Nyasaye wange, kuli avandu yavo vamali kwononyia miyinzi juvusaalisi ni lilagana lia walomba na vasaalisi kandi na vandu va Levi.

Ayubu 31:15

Nyasaye mulala mwere wanomba munda mwa mama wange, kandi uwalomba mutumikiri wange. Oyo niyie walomba kunyi kwosi.

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Kutwula 19:4

“Mwalora aga inzi, Yahova ndaakola ku vandu va Egebeti na kuli ndamuginga kuli kihungu kigingiraa viminyu viacho ku zimbaha ziacho, kandi nimuleeta hano ku inzi.

Kutwula 19:5

Kalunu, niiva mulambulira ligali nokolonda lilaga liange, mulava avandu vange. Lirova liosi liveeye liange, navuzwa munyi mulava avandu vatovole vange,

Kutwula 24:3

Musa yazia navolera avandu amalago goosi ga Yahova kandi amakuva goosi, na avandu vosi vativura harara nivavoora, “Kunyi kulakola vindu viosi via Yahova avooye.”

Kutwula 24:7

Maku yavugula kitabu chililagana, ichang'odwa mu amalago ga Yahova, ma naagasoma vudinyu ku avandu. Vavoola, “Kulahulira Yahova kandi kulakola vindu viosi viamali kukulaga.”

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:15

Inzi mbeeye Yahova, Nyasaye winyu Mutakatifu. Inzi ndalomba munyi, avandu va Isiraeli, kandi mbeeye mwami winyu.”

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 51:2

Heenzi ku Aburahamu baba winyu, kandi ku Sara uwamwivula; lwa yaali yeng'ine inzi ndaamulanga ni ndamugasiza ma nimuha avana. Ndakora visukululwi veve kuva vanyingi.”

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Ezekieli 33:24

Yavoola, “Mwana wu Mundu, avandu vamenya mu madaala manene mang'anye gi kivala cha Isiraeli vavoola ndi: ‘Aburahamu yaali vuzwa mundu mulala, navuzwa yahevwa kivala choosi. Kunyi koveeye avanyingi, kunangwa kalunu kivala keveeye chiitu.’

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Malaki 2:11

Avandu vi Ivuyuda vamali kuvunaga lilagana lia Nyasaye kandi vakora vudamanu ligali mu Jerusalemi kandi mu kivala choosi. Vayonogonyia litembeli lia Yahova ya yaanza. Avasaza valeta vakali vasigamira vanyasaye avageni.

Malaki 2:8

“Navuzwa kalunu munyi vasaalisi mumali kugirung'ana kutura kunzira inungi. Amigizu ginyu galombi vandu vanyingi kokora vudamanu. Mumali kuvunaga lilagana lia ndaalomba ni munyi.

Matayo 10:21

“Amwavo alazama amwavo weve yiitwi, na baba alazaama umwana weve, na avana valagilunga na kulwaana aviivuli vaavo nu kuviita.

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Luka 1:73

Liesuuha lia yisuhira Aburahamu guuga wiitu, liveeye ndi alakuha kuduuki kohonywa,

Luka 3:8

Gamudukira mukore vikolwa vilahi vimanyia ndi mumali kwiganira kutura mu vwoni vwinyu ligali. Mutatanga kwevoolera aveene kalunu, ‘Kunyi koveeye avana va Aburahamu.’ Muvooleraa agiligali, Nyasaye anyala kugirung'anyia amagina yaga gagwi avana va Aburahamu.

Yohana 8:39

Vaamutivulira, “Baba wiitu ni Aburahamu!” Yeso yavavolera, “Munyi mulava avana va Aburahamu ngano mwakakoli kuli Aburahamu yakola.

Yohana 8:41

Munyi mukoraa aga avaguuga vinyu vaakora.” Navo vamuvolera, “Kunyi sikoveeye avana vindasimba mba! Koveeye na Baba mulala, naye ni Nyasaye.”

Yohana 8:53

Ivi wekolaa kuva munene ligali kuvita baba wiitu Aburahamu? Oyo yakuza kandi avaporofeti vaakuza. Wekolaa ivi mwene kuva vwaha?”

Yohana 8:56

Aburahamu baba winyu yasangala kolola lidiku lie liza liange; yalilola kandi yayanza.”

Vikolwa 17:24

“Nyasaye uyu, Mulombi wi lirova ni vindu viosi viveeye mu, aveeye Mwami wi ligulu ni lirova; si amenyaa mu matemberi gumbakwa na avandu.

Vikolwa 17:25

Anoho yenya kindu cha kunyala kumuha lwa kumuyinzilira mba. Kigira niyie mwene ohezaa avandu livamwoyo kandi liherana ni vindu viosi.

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Vikolwa 7:2

Sitefano yativura, “Avaamitu na vababa! Mumbulirizi! Nyasaye wu vukumi yaloleka ku guuga wiitu Aburahamu, mu Mesopotamia, nakikiri kuzia komenya Harani.

Vikolwa 7:26

Mugamba gwalonda ku, yanyoora vandu va Isiraeli vaviri ni vakubana; yaageriza kuvahambanyia, navoora, ‘Munyi muveeye avamwavo; kigira ki musolanaa aveene ku vene?’

Varumi 4:1

Kunangwa kulavoola ki ku Aburahamu, guuga wiitu? Yanyoora ki ku lugano lwu muviri?

Varumi 9:10

Si gaali yaga geng'ine, kigira avana va Rabeka vaviri vaali na baba mulala naye ni Isaka, guuga wiitu.

1 Vakorintho 8:6

navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

Vafeso 4:25

Kigira yaga, musuuli uvovehi, vuli mundu gamuduukira avolere musuuviri wache gagiligali, kigira koveeye kwosi kevero kilala aveene naveene harara mu muviri gwa Kristo.

Vafeso 4:6

Haveeyeho na Nyasaye mulala, naye oveeye Baba wa avandu vosi, oveeye Mwami wa vandu vosi, kandi uyinziraa kuvitira mu kunyi vosi kandi omenya mu vosi.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Vahebraina 12:9

Nakali ndio, gakuduukiraa kutie baba viitu lwahaana amageri; kunyalandi kwegehiza Baba wiitu wu mu Roho makove mwoyo.

Joshua 24:3

Ahene yaho, ndavugura Aburahamu, guuga winyu, kutura mu kivala engereka wa Efurate nimwimilira kuvitira mu kivala choosi cha Kanaani. Ndamuha muyaayi weve Isaka, kandi kuvitira mu Isaka, ndamuha visukululwi vinyingi.