Malaki 1:9 - KITABU KITAKATIFU

⁹ Kalunu, munyi avasaalisi, gelizi koteeva Nyasaye ave mulahi ku kunyi. Sialahaana mativuli ku lisaala lienyu mba, kandi vulakave vudamanu vwinyu.

Malaki 1:9 Iomraidhean Croise

2 Kyetsinyinga 30:27

Vasaalisi na vandu va Levi vateevera avandu vugasu ku Yahova. Naveeye yengo weve mwigulu, Yahova yahulira lisaala liavo kandi naagavugulira.

Kutwula 32:11

Navuzwa Musa yagoonya Yahova Nyasaye weve, navoora, “Yahova, kigira ki uvutima vuvwo voveeye ku avandu vovo, avawahonyia nuvunyari vuvwo vonene nuvatuliza mu kivala cha Egebeti?

Jeremia 26:19

Mwami Hezekia navandu vi Ivuyuda siviita Mika mba. Navuzwa, Hezekia yaaha Yahova luyali kandi nageriza koyeeka kuliyaanzilira lilie. Maku Yahova yagirung'anyia zing'anagani zizie kigira kivi chayaali navooye alaleeta kuvo. Kalunu koveeye ahimbi koleta kivi chilitiihiza kukunyi aveene.”

Jeremia 27:18

Niiva vaveeye avaporofeti va agiligali, kandi niiva vaveeye na amakuva gange, vateeve inzi Yahova Wuvunyali, mburi kuvugilira mavikiru gatigala mu Litembeli lia Jerusalemi kandi munyumba yu vwami yi Ivuyuda kandi vilanywe mu Babiloni.”

Lisyoma lya Jeremia 2:19

Muvuki mwaniri ku Yahova vudiku vwosi kandi mugambazuri! Muviiki mioyo jinyu imbiri wa Yahova kuli amazi gaviikwa mu kiju. Mugiingi makono ginyu igulu na musaale ku Yahova kigira livamwoyo lia vana vinyu, avakuzaa kigira inzara mu zinzira zie lidaala linene.

Joeli 2:12

Yahova avoora, “Navuzwa kali kalunu mwiganiri mugiligali na mwirane ku inzi mu lihonga lilia, lilira ni lisioma.

Joeli 2:17

Avasaalisi avatumikiri va Yahova hagati hu vwali kandi nuvwingiliru vwi Litembeli, kuduuka valiri, vasaale na vavoole: “Yahova, overerere avandu vovo. Utaleka izihiiri zindi zikulege nokokokolera kehenyahenye nokovoora, ‘Aveeye hayi Nyasaye winyu?’ ”

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Yohana 9:31

Kwamanya ndi Nyasaye siahuliraa avandu avoni mba, navuzwa ahuliraa mundu woosi umusigamiraa kandi okokora uvulariri vwivwe.

Varumi 2:11

Kigira Nyasaye siyerizaa mundu kali mulala mba.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.