Malaki 1:6 - KITABU KITAKATIFU

⁶ Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Malaki 1:6 Iomraidhean Croise

Zaburi 123:2

Kuli mutumikiri yeeledaa ku munene weve kandi kuli mukaana mutugwa yeeledaa ku munene weve, O, Yahova, Nyasaye kunyi kulazizagilira kohenza ku ivi, kuduuka lwa okoveera zimbavasi.

Kutwula 20:12

“Muhaane luyali ku vababa vinyu va vamama vinyu, kunangwa muduuki komenya ing'inga indambi mukivala chamuhezaa.

Tsing'ano 17:6

Avaguuga vekonyela aviisukulu vaavo, kuli avana vekonyela avababa vaavo.

Tsing'ano 30:11

Koveeye ho na vandu valama vababa vaavo kandi sivasandizaa vamama vaavo mba.

Tsing'ano 30:17

Mundu woosi ohenyahenyeraa baba weve anoho uchayaa mama weve mu vokeere vwivwe vwakaveeye vulahi zisoti ziamulia anaho majikoro gavoze zimoni zizie.

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 43:23

Simwandetera vihaanwa vienyu viu kusambwa via magondi; simwamba uluyali nivisiuviliru vienyu mba. Sindamudwika misigo miliduhu ku limuniga mundeetere vihaanwa mba, anoho kumuluhiza ku limuteeva kimuli mba.

Isaya 45:10

O, kivi keveeye ku uyu ovoolereraa baba weve ndi, “Wanzivula kuli ndi kigira ki?” Anoho ovooleraa mama weve ndi, “Wiivula kindiki?”

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Jeremia 23:11

Yahova avoora, “Avaporofeti navasaalisi vaveeye vugira Nyasaye; Inzi mali kuvanyolerera ni vakora uvudamanu mulitembeli.

Jeremia 3:4

“Nakalunu mumbolera, ‘Inzi mbeeye baba winyu, kandi mwayinyanza kutura ing'inga yandaali mwana.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Jeremia 35:16

Visukululwi via Jonadabu vimali kutia lilaga lia vaguuga vaavo vahaana kuvo, navuzwa avandu munyi simutizaa inzi mba.

Ezekieli 22:26

Avasaalisi vavunanyi lilago kandi sivahaana luyali kuvindu vitakatifu mba. Sivaveeye ku niliavukanyia hagati hivindu viveeye vitakatifu nivitaveeye vitakatifu mba. Sivigizaa liavukana hagati hivindu vinifu ni vitaveeye vinifu mba, kandi sivagumira lisabato mba. Kigira yaga, avandu va Isiraeli sivambezaa luyali mba.

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Kyavalevi 19:3

Vuli mulala ku munyi kuduuka ahuliri mama weve na baba weve, na kandi kuduuka alindi lisabato liange kuli ngulaga. Inzi mbeeye Yahova Nyasaye winyu.

Zefania 3:4

Avaporofeti sivadukanaa mu miyinzi jaavo mba, kandi vaveeye avagaadi. Avasaalisi vonogonyia viveeye vitakatifu kandi vaagirung'anyia malago ga Nyasaye kulienya liavo.

Malaki 2:1

Yahova Wuvunyali avooreraa vasaalisi, “Lilago yili liveeye ku kunyi.

Malaki 2:10

Kunyi kwosi sikoveeye na baba mulala? Siaveeye Nyasaye mulala mwene walomba kunyi kwosi? Maku kigira ki kuvunagaa lilagana lietu lia kwalomba mulala nu wache, kigira ki kolegelizaa lilagana lia Nyasaye yalomba navaaguuga viitu?

Malaki 2:8

“Navuzwa kalunu munyi vasaalisi mumali kugirung'ana kutura kunzira inungi. Amigizu ginyu galombi vandu vanyingi kokora vudamanu. Mumali kuvunaga lilagana lia ndaalomba ni munyi.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 15:4

Nyasaye yalaga navoora, ‘Wizominye baba woovo na mama woovo’ kandi, ‘Ku vosi, onyegaa baba anoho mama weve, gamudukira yiitwi ligali.’

Matayo 15:6

uyu atahaana uluyali ku baba weve anoho mama weve, navio mba. Na ndio mwononyia Lilaga lia Nyasaye ku lilonda amigizu ginyu aveene.

Matayo 19:19

Wizominyi baba woovo na mama woovo, kandi uyaanze umutende woovo kuli wiyanza umwene.”

Matayo 6:9

Kunangwa, gamudukira munyi musaale kuli ndi: ‘Baba wiitu oveeye mwigulu: Lieta liilio litakatifu lizominywi;

Matayo 7:21

“Si vaveeye vosi avamboleraa, ‘Mwami, Mwami,’ avalingira mu Vwami vwu mwigulu; navuzwa ni yavo avakolaa uvulariri vwa Baba wange oveeye mwigulu veng'ine.

Marko 10:19

Wamanya amalago: ‘Utiita mba; utaheya mba; utiva mba; utagina mba; utagaanga mba; utaveeha mba, uhuliri baba woovo na mama woovo!’ ”

Marko 7:10

Musa yalaga, ‘Wizominyi baba woovo na mama woovo,’ kandi, ‘Uyu onyegaa baba anoho mama weve, gamudukira akuzi.’

Luka 10:29

Navuzwa mwigizi wi Lilaga oyo, yenya kwisuuviriza ndi oveeye mulungi, yateeva Yeso, “Nivwaha oveeye mutende wange?”

Luka 18:20

Ivi wamanya malago: ‘Utaheya mba; utiita mba; utiva mba, kandi utagina mba, uhaane luyali ku baba woovo na mama woovo.’ ”

Luka 6:36

Muve ni zimbavasi kuli Baba winyu aveeye ni zimbavasi.

Luka 6:46

“Kigira ki munyi mulangaa inzi, ‘Mwami, Mwami,’ navuzwa simukola agamuvoolera mba?

Vafeso 6:2

“Haane luyali ku baba winyu na mama winyu.” Yili liveeye lilaga liu kutanga iliveeye ni lisuuvirizwa.

Kwidzulitsa 1:31

kandi muchangalangwe. Mwalora kuli yamuleta vulahi mumirembe kologendo yilwo lwosi kuduuka havundu hano; kuli baba anyala kuginga muyaayi weve.

Kwidzulitsa 32:6

Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.

Kwidzulitsa 5:16

“Muhaane luyali ku vababa vinyu na vamama vinyu kuli Inzi Yahova Nyasaye winyu ndamulaga kunangwa viosi viduuki kuva vulahi ku munyi kandi kunangwa muduuki komenya ing'inga indambi mu kivala cha Inzi Yahova Nyasaye winyu muheezaa.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.