Malaki 1:2 - KITABU KITAKATIFU

² Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Malaki 1:2 Iomraidhean Croise

Litanga 25:23

Yahova yamuvolera, “Zihiiri ziviri ziveeye munda mumwo; Ivi ulakivuli zihiiri ziviri, avandu vu kuhing'ana. Ihiiri indala ilakave nizinguru kuvita ihiiri yindi. Mukulundu alakatumikiri mwana mukekeeke.”

Litanga 25:25

Wukutanga kwivulwa yaali niligodo lilavu kandi muviri gwigwe gwosi gwaali na maswa kuli vwoya vwi inguvu, kunangwa yamugulika Esau.

Litanga 25:26

Wa kaviri yiivulwa nagumiyi vudinyu lichi lia Esau, kunangwa yamugulika Yakobo. Isaka yaali ni mihiga 60 lwa vivulwa.

Litanga 27:33

Isaka yaatanga kodegera ligali navoora, “Nivwaha uyu, witi inyama ma nandetera? Inzi mali kulia inyama imbiri wa ivi waali nukikiri kuuza. Inzi mali kumugaasiza ligali, na alava nuvugasu mihiga ni mihiga.”

Litanga 48:4

Yambolera, ‘Inzi ndakuha lwivulu lwa vana vanyingi, kunangwa visukululwi vivio navive zihiiri zinyingi. Ndahaana kivala yiki ku visukululwi vivio keve miandu jaavo mihiga ni mihiga.’ ”

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

2 Avami 3:8

Na kuziiri kunzira ki lwa kuvingilira?” Joramu yativura, “Kulaziira kunzira yi changalangwe cha Edomu.”

Isaya 43:4

Ndahaana zihiiri ziosi ku nduuki okumuhonyia, kigira munyi muveeye avuvuguli vudinyu ligali ku inzi kandi kigira nyanza munyi kandi muheezaa luyali.

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 2:5

Yahova avoora: “Vudamanu ki vwa avaguuga vinyu vanyoola ku inzi? Ni kindiki chavakola ni vagirung'ana kutura ku inzi? Vaasigamira vifananyi viavuzwa, kandi navo vaagwa avandu vataveeye novokonyi.

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Amosi 1:11

Yahova avoora, “Avandu vi kivala cha Edomu vamali kokora uvwoni haali kanyingi, na kigira yaga ndavaha amageri. Vaahiima avamwavo vaavo vandu va Isiraeli ni kivavi, na sivaveererera mba. Vutima vwavo sivwaali ne keheri mba. Sivaaloleka vahomati mba.

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

Luka 10:29

Navuzwa mwigizi wi Lilaga oyo, yenya kwisuuviriza ndi oveeye mulungi, yateeva Yeso, “Nivwaha oveeye mutende wange?”

Yohana 15:12

Yili nilio lilago liange: muyaanzane kuli inzi mali kumuyaanza.

Kwidzulitsa 10:15

Navuzwa vuyanzi vwa yahova yaali navwo ku avaguuga vinyu vwali ovonene kandi vwizingulu ligali, kali natovora munyi, visukululwi viavo muvogono vwa avandu vandi vosi, kandi mukikiri avandu vatovole veve

Kwidzulitsa 23:5

Navuzwa Yahova Nyasaye winyu siyaali anyala kuhuliriza Baalamu mba; mu vogono yivwo yagirung'anyia kilaamo zana nikigwa ligasizwa kigira yamuyanza.

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.