Malaki 1:10 - KITABU KITAKATIFU

¹⁰ Yahova Wuvunyali avoora, “Nzegomba mundu mulala ku munyi ahane viliango vie Litembeli kunangwa muvuli kuhambiza muliru gutaduukanaa ku vwali vwange. Inzi simbeeye nuvuyanzi ni munyi mba, si ndavugilira vihaanwa via muletaa ku inzi mba.

Malaki 1:10 Iomraidhean Croise

2 Avami 12:6

Navuzwa kuduuka ku muhiga gwa sirini na tatu gwi liamiiha liu mwami Joashi, avasaalisi vaali ni vakikiri kolomba ahe Litembeli liali ni liasasuguka.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Jeremia 14:10

Yahova avoora yaga kigira avandu yava, “Vayaanza kwiluka kutura ku inzi, kandi sivanyala kwirinda aveene mba. Kulwayago, si vanyanziza mba. Ndiizuliza uvudamanu vwa vamali kokora na ndavaha amageri kigira uvwoni vwavo.”

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Hosea 5:6

Vavugura magondi nizing'ombe ziavo kuhaana ku Yahova kuli visiuviliru nu kumwenyeleriza, navuzwa si vamunyoola mba, kigira amali kuvaleka.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Malaki 1:13

Muvooraa, ‘Kunyi kuluhi ni vindu yivi viosi!’ Na mugilung'anaa ni mumbezaa. Lwa muhaanaa ku inzi muletaa vihaanwa vie zinyama zia mumali kwiva, anaho inyama yalema anoho ilwalaa, muganaganaa ndazivugilira?

Malaki 2:12

Yahova ayaanze adivizi vandu va Isiraeli avakolaa yaga. Ataleka vahambane mulihaana vihaanwa vie zihiiri zietu zihaanaa ku Yahova Wuvunyali mba.

Malaki 2:13

Mwakoraa yaga kandi, mwakunika vwali vwa Yahova na maliga; muliraa kandi musiomaa kigira si yayanzilira vihaanwa anaho kuvugilira vihaanwa vienyu nuvuyanzi mba.

Yohana 10:12

Mundu utungwa siaveeye mwayi mwene amagondi. Lwa alolaa kivwi nikizaa alekaa amagondi ma yiruka. Kigira si gaveeye ageege mba. Kunangwa lwa kivwi kigwizaa ku lilala agandi gasalana.

1 Vakorintho 9:13

Suuviraa mwamanya ndi vandu vayinziraa mu Litembeli vanyoola viukulia viavo kutura mu Litembeli; Kandi yavo avatumikaa kuhaana visiuviliru ku vwali vanyoola kidieli chavo kutura ku visiuviliru zana.

Vafilipi 2:21

Avandu vandi vahenderaa vuzwa lienya liavo aveene, na sivahenderaa ivindu via Yeso Kristo mba.

Vahebraina 10:38

Navuzwa avandu vange valungi valava mwoyo kigira lisuuvira; niiva mulala kuvo yirana inyima, mwoyo gwange sigulamuyaanza mba.”

1 Petro 5:2

Mugoonyaa ligali, mwaaye ichayo cha Nyasaye yamuha kulinda kandi mukindu nu vwihaani. Gatava ku linigwa, navuzwa ku mwoyo gwu vuyanzi kuli uvulariri vwa Nyasaye; Gatava kigira linyola mitungu, navuzwa mukore nu mwoyo gwu vwihaani.