Luka 9:7 - KITABU KITAKATIFU

⁷ Lwa Herodi, Mwamihi wa Galilaya, yahulira vindu viosi iviekolekaa, yahenda mwoyo ligali, kigira avandu valala vavoola ndi Yohana Mubatizi usimuguki kutura mu vakuzu.

Luka 9:7 Iomraidhean Croise

Zaburi 73:19

Vaagwiyi nukwoneka nonoho; kandi vamali kugwa mu likuza liukutihiza ligali.

Isaya 22:5

Yiyi ni ing'inga yu vuti liguutwa kandi yiligoyana mu Livona lia malola. Amadigi gi Lidaala Linene lietu gamali kusambulwa kandi lianira lio ovokonyi vwitu lihuliriki ku vigulu. Mwami munene Yahova Wuvunyali umali koleta yaga goosi ku kunyi.

Mika 7:4

Kali mulahi kuvita vosi kandi musuuvirifu kuvita vosi vuzwa vaveeye kuli indiva. Lidiku limali kuduuka lwa Nyasaye nahaane mageri ku avandu, kuli yaviganihiza kuvitira mu avasikari veve, avaporofeti. Kalunu vaveeye mu vogoyani.

Matayo 11:2

Lwa Yohana Mubatizi yahulira amakuva gi vikolwa via Kristo, naveeye muvuhambe, yatuma aviigi veve kuye.

Marko 8:28

Navo vaamutivulira, “Valala vavoola ivi ni Yohana Mubatizi, avandi Elija, na vandi vavoola oveeye mulala ku Vaporofeti.”

Luka 13:31

Ing'inga zana yeyo, Avafarisayo harara vazia ku Yeso nivamuvoolera, “Tula hano uzie havundu handi, kigira Herodi Antipa yenya kukwita.”

Luka 21:25

“Vilakave ho ivilolekizu viokogenyia ku liuva, ku mweli kandi ku zing'ereng'ani ku lirova; avandu muvivala viosi valakuza mioyo; nivatizaa umufumu gwi inyanza kandi vutima vwi viguvuli vinene vienyanza.

Luka 23:7

Lwa Pilato yamanya ndi, Yeso yatura mu kivala chamifwa na Herodi, yamutuma ku Herodi, uwaali naveeye mu Jerusalemi ing'inga yene yeyo.

Luka 3:1

Gwaali muhiga gwa komi na tano mu vwamihi vwu mwami munene Tiberio. Pontio Pilato yaali mwami wi kivala chi Ivuyuda, Herodi yaali mwamihi munene wi kivala cha Galilaya, na Filipo amwavo weve yaali munene wi kivala cha Turea na Tarakoniti; Lusania yaali munene wa Abilene, na Anasi na Kayafa vaali avasaalisi vanene.

Luka 9:19

Vaativura, “Avalala vavoola, ivi oveeye Yohana Mubatizi, navuzwa avandi vavoola Elija, na avandi, ni mulala ku Vaporofeti vakale usimuguki.”