Luka 9:51 - KITABU KITAKATIFU

⁵¹ Lwi lng'inga ya kuduuka ya Yeso avugulwa kwirana mwigulu, mwene yaatanga logendo kuzia Jerusalemi.

Luka 9:51 Iomraidhean Croise

2 Avami 2:11

Vazizagilira komoloma ni vagenda; maku nonoho ligare liu muliru ni lihilwaa ni zibarasi ziu muliru liaza hagati haavo ni livavukanyia. Elija yahilwa igulu kuduuka mwigulu ni kihuzuzi.

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Luka 12:50

Mbeeye nilibatiza lia ndibatizwa ilidukanaa mbatizwi. Navuzwa mbeeye novovereri kuduuka ing'inga lwa yagalitwekiza.

Luka 13:22

Yeso yaazizagilira nologendo lwilwe kuzia Jerusalemi. Yavitira mumadala numutudaala, niyigiza avandu.

Luka 17:11

Lwa Yeso yaali naveeye mulogendo kuzia Jerusalemi yavitira hagati ha ulwaako lwa Samaria na Galilaya.

Luka 18:31

Yeso yasunda halovega avaari likomi na vaviri navavoolera, “Huliri! Kuziiza Jerusalemi uwi vindu viosi viang'odwa na avaporofeti ku Mwana wa Adamu vilatwekizwa.

Luka 19:11

Lwa avandu vaali nivakihuliriza ku ivindu yivi Yeso yaazizagilira navavoolera lugano. Yaali naveeye ahimbi kuduuka Jerusalemi ligali kandi avandu vaganagana ndi uvwami vwa Nyasaye vuzizaa kololeka vwangu.

Luka 19:28

Lwa Yeso yamala kovora yaga, yaavimilira Jerusalemi.

Luka 24:51

Lwa yaali navagasiza, yatura kuvo kandi yahilwa mwigulu.

Luka 9:57

Lwa vaali ni vagenda kunzira, mundu mulala yamuvolera, “Ndakolonda hoosi aha uzia.”

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 16:28

inzi ndaatula ku Baba, kandi mali kuuza mu kivala; kandi kalunu ndekaa kivala kandi nziza ku Baba.”

Yohana 16:5

“Navuzwa kalunu nzizanga ku uyu uwanduma nitali siali ho numulala ku munyi ondeva uwanziza mba.

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 6:62

Galakave ndi, niiva mulilora Mwana wa Adamu ni yanigira kuzia uwa yaali maziambiri?

Vikolwa 1:2

kuduuka ku lidiku lia yavugurwa kuzia mwigulu. Kuvugulwa, yahaana amalago mu zinguru zia Roho Mutakatifu ku avatumwa va yaali natovoye.

Vikolwa 1:9

Inyima wokovoola yaga, vavugulwa kuzia mwigulu, ni Lilesi liamukunika kutura mu zimoni ziavo.

Vafeso 1:20

zia yatumikira lwa yasimugukiza Kristo kutura mu vakuzu, namwikaliza ha mukono gwigwe mulungi mwigulu.

Vafilipi 3:14

Kunangwa inzi nyagura zimbiru vulungi kuduuka ahukutwekizira no okonyora itaji yi liguuta eveeye lilangwa lia Nyasaye kuvitira mu Kristo Yeso, kuduuka ku livamwoyo lie igulu.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 6:20

Yeso yitaa kwingira mu, mu vogono vwitu, kandi umali kuva musaalisi munene mihiga ni mihiga kolondekana novolohizi vwu vusaalisi vwa Melikizedeki.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.