Luka 9:47 - KITABU KITAKATIFU

⁴⁷ Navuzwa Yeso yamanya zing'anagani ziali mu mioyo jaavo. Yavugula mwana mukekeeke naamusingiriza ahimbi naye.

Luka 9:47 Iomraidhean Croise

Zaburi 139:2

Ivi umanya inzi kandi vindu viosi viangolaa; ivi umanyirizaa zing'anagani ziange ziosi kali noveeye ihale.

Zaburi 139:23

O, Nyasaye, ambenzeriza ligali na umanye zing'anagani ziange. Ongerize na umanye zing'anagani ziumwoyo gwange.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Matayo 12:15

Lwa Yeso yamanya likuva yilio, yatura ahene yaho. Avandu vanyingi vaamulonda, nahonyia avalwaye vosi,

Matayo 9:4

Navuzwa Yeso yamanya zing'anagani ziavo, navoora, “Kigira ki muganaganaa uvudamanu kuli ndio mumioyo jinyu?

Luka 5:22

Lwa Yeso yamanya zing'anagani ziavo yateeva, “Muganaganaa ki mu mioyo jinyu?

Yohana 16:30

Kalunu kunyi kumanyi ndi ivi umanya vindu viosi kandi avula ho okoteeva amateeva. Kulwayago, kusuuviranga ndi waatura ku Nyasaye.”

Yohana 2:25

Si yenya mundu amulolekizire amakuva gu mundu wundi mba, kigira mwene yamanya vulahi amakuva goosi agaali mu mioyo jaavo.

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.