Luka 9:43 - KITABU KITAKATIFU

⁴³ Avandu vosi vagenya ligali Zinguru nu Vunyali vwa Nyasaye. Navuzwa lwa avandu vosi vaali nivakihuga ku vindu viosi via Yeso yakola, yavolera aviigi veve,

Luka 9:43 Iomraidhean Croise

Zaburi 139:14

Nzizominyaa ivi kigira wanomba wokogenyia kandi wukuhuga. Miyinzi jijo jiveeye jokogenyia; ivi umanya inzi vulahi ligali.

Zekaria 8:6

“Gaamanya galoleke gokogenyia ku vandu vahononoka mu madiku yaga, si galava gokogenyia ku inzi mba.

Matayo 17:22

Lwa aviigi vavunga harara mu Galilaya, Yeso yavavolera, “Umwana wa Adamu alazamwa mu makono ga vasigu veve.

Marko 6:51

Yanina mu liato harara navo kandi imbuza yakiring'ana. Aviigi vagenya ligali,

Luka 18:43

Nonoho uwaali mboku yalora lilie, ma nalonda Yeso, niyizominya Nyasaye. Lwa avandu vosi valora yaga, vizominya Nyasaye.

Luka 4:36

Avandu vosi vagenya ligali ni vavolerana, “Ni likuva lugano ki yili; kigira kuzingulu nuvunyari, akunga roho midamanu kutura najo jitula!”

Luka 5:26

Vosi vagenya niviizura uvuti, nivakuminya Nyasaye nivavoora, “Kumali kolola vindu viokogenyia lero!”

Luka 5:9

Simoni harara na avache veve vosi vagenya konyoora zisuzi zinyingi kuli ndio.

Luka 8:25

Maku yateeva aviigi veve, “Lisuuvira lienyu liveeye haliha?” Navuzwa vaatia kandi vagenya ligali nivatevanaa aveene naveene, “Ivwaha uyu? Agondokeraa kali imbuza ni viguvuli via amazi, kukiring'ana ma vimuhulira?”

Luka 9:42

Lwu muyayi oyo yaali niyazaa ku Yeso, lidemoni liamutuula nilimugalagalizira hasi kuli mundu wi indulumi. Navuzwa Yeso yagondokera lidemoni yilio, nahonyia muyaayi oyo ma namuhaana ku baba weve.

2 Petro 1:16

Sikwereda ku livoora lie zing'ano zio vogeri zitaveeye nu vulungi, ing'inga ya kwamumanyia izingulu zie liza liu Mwami wiitu Yeso Kristo mba, navuzwa kwalola moni na moni ovonene vwivwe.