Luka 9:16 - KITABU KITAKATIFU

¹⁶ Yeso yavugula milaango ji migadi jitano ni zisuzi ziviri, nahenza mwigulu, nasandiza Nyasaye naavigasiza, nameganyia; navihaana ku aviigi veve vagavuliri avandu.

Luka 9:16 Iomraidhean Croise

Matayo 14:19

Yahaana lilago ndi avandu viikare mu kiguti; navugura imilaango jitano ni zisuzi ziviri, nahenza mwigulu, nahaana ilizominya ku Nyasaye kuvigasiza. Yaavimeganyia, naha aviigi veve, vahane ku avandu.

Matayo 15:36

Ma yavugula imilaango ji migadi saba, nasandiza Nyasaye, nameganyia. Yaaha aviigi navo vagavulira avandu.

Marko 7:34

Inyima yahenza mwigulu natuula umwika, namuvolera, “Efaata,” iliveeye kovora, “Igulika.”

Luka 22:19

Maku yavugula kedonye chu mugadi nahaana lisandiza ku Nyasaye, nameganyia kandi navaha, navoora, “Yigu goveeye muviri gwange, [uguhaanwa kuli isadaka ku Nyasaye kigira munyi. Mukore ndio mu linzizuliza.”

Luka 24:30

Lwa yikala kulia viukulia harara navo, yavugula mugadi, nasandiza Nyasaye, nagomeganyia kandi natanga kuvaha.

Luka 9:15

Aviigi vaakora ndio, nivavikaliza vosi hasi.

Luka 9:17

Vosi valia niviguta. Aviigi veve vavungiza vihinda likomi na viviri via madonye gi viukulia viatigala.

Yohana 6:11

Yeso yavugula migadi yijo, nasandiza Nyasaye, najihaana jigavulirwi avandu vaali nivikaye; yakola ndio kandi ni zisuzi, vuli mundu yanyoora kuli yenya.

Yohana 6:23

Amato gandi kutura Tiberia gaduukaa havundu yaho ha avandu vaali nivaliriyange migadi yijo, inyima wu Mwami yaali niyakasandiza Nyasaye.

Vikolwa 27:35

Lwa yamala kovora ndio, Paolo yavugula mugadi, nasandiza Nyasaye imbiri wavo vosi; yamega natanga kulia.

Varumi 14:6

Yavo vizominyaa lidiku lilala kuva linene na lidukiru vakora ndio ku likuminya Mwami; na yavo valiza chukulia choosi vakora ndio ku likuminya Mwami; kigira vahaana lisandiza ku Nyasaye. Yavo vavura kulia chukulia choosi vakora ndio ku likuminya Mwami, yavo kandi vahaana lisandiza ku Nyasaye.

1 Vakorintho 10:30

Niiva inzi sandizaa Nyasaye ku chukulia change, mundu atandula kigira chukulia chamali kuhaana lisandiza kucho mba.”

1 Vakorintho 11:24

kandi lwa yamala kuhaana lisandiza ku Nyasaye, yameganyia navoora, “Yigu nu muviri gwange ogomeganyirwa munyi. Mukore ndi vuli Iwosi kunzizuliza.”

1 Samweli 9:13

Nonoho lwa mwingira mu lidaala, mulamunyoola vwangu nakikiri kuzia ku vwali kulia. Avandu vagenihiziywi si valatanga kulia nakikiri kuuza mba, kigira kuduuka agaasizi kihanwa kutanga. Mwanigiri kalunu; mulamunyoola ing'inga yiyi.”