Luka 8:43 - KITABU KITAKATIFU

⁴³ Mukali waali niyalwala vulwaye vwukutaza masahi ku mihiga likomi na mbiri yaali mu kiduma. Mukali oyo yamala ivindu vivie viosi ku avaahi vi zinyasi; navuzwa kali mulala siyaali anyala kumuhonyia mba.

Luka 8:43 Iomraidhean Croise

2 Kyetsinyinga 16:12

Mu muhiga gwa 39 lwa Asa yaali mwami, uvulwaye vululu mukerenge vwa mukora mulema. Navuzwa, kali niiva Asa yaali nu vulwaye vwivwe, si yenyeleriza Yahova mba, navuzwa yenya ovokonyi kutura ku avaahi vi zinyasi.

Ayubu 13:4

Munyi mwosi muveeye avandu vamakuva gu vugadi, kandi muveeye kuli avaahi vi zinyasi avatanyala kohonyia mundu mba.

Zaburi 108:12

Okokonye, kuguuti avasigu viitu; ovokonyi vwu mundu sivoveeye kindu kali hakuzu mba.

Isaya 2:22

Mutaviika lisuuvira lienyu mu avandu mba, kigira vaveeye kuli umwika. Vaveeye na vokonyi ki?

Marko 12:44

Vosi vahaanangi kolondekana ku vutugi vwavo, navuzwa umukunzakali uyu, kali naava naveeye umudaka, oyo uhaani viosi viayaalinavio.”

Marko 9:18

Lwi lidemoni limugumiraa, limulasa hasi, ma atulaa ulufulu, ma kandi atangaa kudiedieyiza amiinu, ma atangalala vuzwa. Lwa ndeevi aviigi vovo valitulizi, vaatamiywi.”

Luka 13:11

Yaali ho mukali mulala uwaali ni lidemoni lia mudekeranyia ku mihiga likomi na munane. Yaali niyinama na siyaali anyala kusingira vulungi mba;

Luka 13:16

Sivoveeye vulahi mukali uyu, kisukururwi cha Aburahamu, wa Setani yaali niyavoha ku mihiga likomi na munane, avohololwe kutura mu livofa liu vulwaye vwivwe ku lidiku lie Lisabato?”

Luka 8:27

Lwa Yeso yika kuzia ku lujinga, mundu mulala uwaali na mademoni, yaza namwaganira kutura mu lidaala yilio. Mundu uyu si yiviika zinguvu ku ing'inga indambi mba kandi si yamenya munyumba mba navuzwa yamenya muvilindwa.

Luka 8:42

kigira mukaana weve muderwa, uwaali ahimbi ni mihiga likomi nagiviri yaali nakinda. Lwa Yeso yaali nazizaa, viduma via avandu viamukumberiza zimbega ziosi, ahimbi vamuduvage.

Luka 8:44

Yaza inyima wa Yeso, nadiira ku lukigiti lwi inguvu yeeye; nonoho litaza lilie liakalizira.

Yohana 9:1

Lwa Yeso yaali navitaa, yalora mundu mulala, uwaali niyiivulwa mboku.

Yohana 9:21

Navuzwa kuli aduuki kolola kunyi sikumanyi mba, anoho si kumanyi mundu umukunuyi zimoni zizie mba. Muteeve mwene; aveeye mundu muhindira, anyala kovora mwene.”

Vikolwa 3:2

Ahene yaho, ha kiliango chi Litembeli ichalangwa “Kirivwa Kilahi,” yaali ho mundu mulala uwaali mulema kutura niyiivulwa. Vuli lidiku yagingwa nukuhirwa ha kirivwa zana, aduuki kusava mabese kutura ku vandu avingiraa mu Litembeli.

Vikolwa 4:22

Mundu wahonywa oyo yaali uduuka mihiga kuvita arubaini.