Luka 8:34 - KITABU KITAKATIFU

³⁴ Lwa avayi valora vindu viali ni viekoleki viiruka zimbiru nivazia kulandiza amakuva yaga mu lidaala kandi mu kivala choosi.

Luka 8:34 Iomraidhean Croise

Matayo 28:11

Avakali yavo lwa vaali ni vazizaa, valala ku avasikari avalindaa ikilindwa vazia mu lidaala linene kovoolera avasaalisi vanene amakuva goosi agaali nigekoleka

Matayo 8:33

Avayi vi zinguruvi yizio viruka nivazia mu lidaala linene, nivavoora amakuva goosi ni vindu viekoleka ku vandu ava mademoni gaali ni gaagumira.

Marko 5:14

Yavo avaari avayi vi zinguruvi yizio viiruka nuvuti nivavoora amakuva yago mu lidaala nu mu kivala. Vandu vaatura ni vazia kolola agaali ni gekoleki.

Luka 8:33

Amademoni gaturaa mu mundu oyo, ni gingira mu zinguruvi. Ichayo chi zinguruvi choosi chasulunguta zimbiru kuduuka munyanza; nizikuzira mu mazi.

Luka 8:35

Avandu vazia kolola agaali ni gekoleki. Lwa vaduuka ku Yeso, vanyoola mundu wa mademoni gaali nigatuliziywi muye niyikaye ha virenge via Yeso; niyiviiki zinguvu, kandi niyituliyi. Vaatia ligali.