Luka 8:27 - KITABU KITAKATIFU

²⁷ Lwa Yeso yika kuzia ku lujinga, mundu mulala uwaali na mademoni, yaza namwaganira kutura mu lidaala yilio. Mundu uyu si yiviika zinguvu ku ing'inga indambi mba kandi si yamenya munyumba mba navuzwa yamenya muvilindwa.

Luka 8:27 Iomraidhean Croise

Isaya 65:4

Ing'inga yu vudiku vazizaa mu vilindwa kwenya zing'anagani kutura ku miroho ja vandu vakuza. Valiza zinyama zie zimbizi, kandi vanwa umunyu golombeywi kutura ku zinyama zihaanwa ku avanyasaye kuli ivisiuviliru.

Livalidza 19:16

Niiva mundu aladiira ku mundu umali kwitwa noho umali kukuza kuziiyi likuza lia kazozo, anoho mundu udiira ku vigumba vyo mundu wakuza anoho kudiira ku kilindwa, alava mudamanu ku madiku saba.

Matayo 4:24

Kunangwa, ulusuma lwa Yeso lwalanda mu Siria mwosi. Avalwaye vosi avaari ni zinguzu zie zing'ano ziosi nu vusaliri lugano, avaari na mademoni nindulumi kandi avaalema vaahirwa kuye, naye yavahonyia vosi.

Marko 5:15

Lwa vazia ku Yeso, valora umundu waali na mademoni niyikaye makiriri, kandi niyiviiki zinguvu, vaali nu vuti.

Luka 8:26

Yeso harara na aviigi veve vamanya nivambuka inyanza nivaduuka ku lujinga lwi kivala cha vandu va Gerasene, lidaala liveeye ku lwangereka lwi inyanza kutura Galilaya.

Luka 8:28

Lwa yalora Yeso, yahanzuka nu mwoyo munene, naagwa havirenge, imbiri weve, navoora, “Mbeeye naki niivi, Yeso, Mwana wa Nyasaye, oveeye igulu ligali? Ngogonya, utangubiza kivi mba.”

1 Samweli 19:24

Yaatuliza zinguvu zizie kandi naaporofeta imbiri wa Samweli, naagona hasi chahonyo mbasu yigwo gwosi nuvudiku yivwo vwosi. Yiki nicho chagira avandu nivavoora, “Saolo naye kandi ugwiyi muporofeti?”