Luka 8:10 - KITABU KITAKATIFU

¹⁰ Yeso yativura, “Munyi muheveywi limanya lia gaviswa gu Vwami vwa Nyasaye, navuzwa ku vandi inzi molomera mu zing'ano, kunangwa kali nivahenza vudinyu, sivanyala kolola mba kali nivahuliriza, sivanyala kumanyiriza mba.”

Luka 8:10 Iomraidhean Croise

Zaburi 25:14

Yahova aveeye mulina wa yavo avamuhulira; kandi adinyirizaa lilagana lilie navo.

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 44:18

Avandu kuli yava vaveeye vasilu ligali kali sivanyala kumanya icha vakora mba. Vakunika zimoni ziavo kunangwa vavuli kolola; kandi vakunika zing'anagani ziavo kunangwa vavuli kumanyiriza.

Isaya 6:9

Kunangwa yambolera nzie kovoolera avandu makuva yaga: “Mulahuliriza ligali, navuzwa si mulamanya agaakoleka mba; mulahenza ligali, navuzwa simulalola mba.”

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Ezekieli 12:2

Yavoola, “Mwana wu Mundu, ivi omenya na vandu vukwibaara. Vaveeye ni zimoni, navuzwa si valora kindu mba; vaveeye na matu, navuzwa si vahulira mba kigira vaveeye avandu vukwibaara.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Marko 4:11

Naye yavativulira, “Munyi muheveywi kumanya agimbisu yu vwami vwa Nyasaye, navuzwa avandi vosi avaveeye ichova valavolerwa ikindu choosi mu zing'ano,

Marko 4:12

Kunangwa, ‘Lihenza valahenza ligali, navuzwa si valalola mba lihulira valahulira ligali, navuzwa si valamanya mba. Kigira niiva vakakoli ndio, vaali vakagirungani ukwilanira Nyasaye, kandi naye yakavasamiihi uvwoni vwavo.’ ”

Yohana 12:40

“Nyasaye umali kuvakuliza zimoni ziavo; kandi umali kudinyia mioyo jaavo gase valalola ni zimoni ziavo kandi vamanye ni mioyo jaavo, ma viganire, nainzi nduuki kuvahonyie.”

Varumi 16:25

Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita.

1 Vakorintho 12:11

Yiji josi jiveeye imiyinzi ja Roho mulala mwere; kandi ahaanaa ku mundu sa mulala kihaanwa kuli mwene atovoraa.

Kwidzulitsa 29:4

Navuzwa kuduuka lidiku liene yili, Yahova akikiri kumuha zing'anagani ziukumanyiriza anoho zimoni ziokolola anaho amatu gukuhulira vindu viekoleka.

Vakolosai 2:2

Inzi ngolaa yaga ni kivuni ndi, vaduuki koleminywa mioyo, vahambanywe harara mu vuyanzi, kunangwa vaduuki ku vutugi vwosi vwi lisuuvirizwa voletaa limanyiriza. Mu yaga; vaduuki kumanya agaviswa ga Nyasaye, agaveeye Kristo mwene.