Luka 7:38 - KITABU KITAKATIFU

³⁸ Yasingira inyima havirenge via Yeso nalira. Yaatanga kusama virenge via Yeso na maliga geege. Maku yavieya niliisu liu ku mutwi gwigwe, navivuusa, kandi yaavivaka maguta gafunyaa mwayu.

Luka 7:38 Iomraidhean Croise

Litanga 18:4

Leki muletere mazi mwisaave virenge. Munyi munyara kososera mu musaala yigu.

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Zaburi 38:18

Nziyamaa uvwoni vwange, kandi mbereraa kuvwo.

Zaburi 51:17

O, Nyasaye kisiuviriru change keveeye mwoyo gwi liegehiza. Ivi siulasuula mwoyo gwovohoma kandi gwi lieganira.

Kohelethu 9:8

Ove nu vuyanzi kazozo kandi usangale.

Lwimbu lwa Solomoni 1:3

Wivaki maguta gu muhomo; lieta liilio liveeye kuli amaguta gidorokaa, kunangwa avakali vakuyaanzaa.

Isaya 57:9

Mwivakaa amarashi namaguta gafunyaa umwayu ma muzia kusigamira umunyasaye Moleki. Mutumaa avatumwa venyu kuzia ihale na himbi, kali kuduuka mu kihadisi ukwenya avanyasaye va musigamira.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Joeli 2:12

Yahova avoora, “Navuzwa kali kalunu mwiganiri mugiligali na mwirane ku inzi mu lihonga lilia, lilira ni lisioma.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Matayo 5:4

“Vaveeye nuvugasu avaveeye no vovereri, kigira valakaleminywe mioyo.

Luka 22:62

Ahene yaho Petero yatura ichova nalira novovereri vunene.

Luka 6:21

“Muveeye nu vugasu avaveeye ninzara kalunu; kigira mulakutizwa!” Muveeye nuvugasu avaliranga kalunu; kigira mulakaseke!

Luka 7:37

Lwu mukali mulala, uwamenyaa mu liiva liu vwoni mu lidaala yilio, yahulira ndi Yeso alizaa munyumba yu Mufarisayo, yaleeta ijuba ya maguta guvuguli agafunyaa umwayu.

Luka 7:39

Lwu Mufarisayo wamugenihiza yalora yaga, yaganagana mwene, navoora, “Niiva mundu uyu yakaveeye muporofeti, ngano yakamanyi mukali uyu nivwaha, umudiraa; yakamanyi ni liiva liu vwoni lia lugano ki liu mukali uyu amenyi mu!”

Yohana 11:2

Maria uyu niyie wavaka Mwami Yeso amaguta agafunyaa mwayu nu ku mweeya virenge ni liisu lilie. Lazaro, mbozo weve, niyie uwaali mulwaye.

Yakobo 4:9

Muve no vovereri, muliri kandi musiome! Liseka lienyu ligirung'anywi kuva lilira, lisangala lienyu live liverera.