Luka 7:2 - KITABU KITAKATIFU

² Uwene yeyo, Munene wa vasikari va Varumi mia yaali nu mutumikiri uwu Mwami weve yaali niyayaanza kukila. Mutugwa oyo yaali mulwaye ligali kandi yaali ahimbi kukuza.

Luka 7:2 Iomraidhean Croise

Litanga 24:27

Yavoola, “Yahova yizominywe, Nyasaye wu munene wange Aburahamu, umali kuduukiza lilagana yili ku munene wange. Yahova umali kunzimilira vulungi kuduuka ku viko vu munene wange.”

Litanga 35:8

Mukungaa wa Rabeka ulangangwa Debora yakuza, ma nayavirwa isi wu musaala munene isavaalu wa Bezeli. Kunangwa havundu hene yaho halangwa lieta, “Alonibakuzi.”

Ayubu 31:5

“Niiva menyaa ku lilonda ovovehi kandi niiva nyagura zimbiru ku livoolera avandu uvugadi,

Tsing'ano 29:21

Niiva mundu alahaana vuli kindu choosi ku vatumikiri veve kutura muvwana vwivwe, mu ing'inga yindi valakavuguli vindu viosi viaveeye navio.

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Luka 23:47

Ahene yaho, lwu munene wa vasikari mia yalora gaali nigekoleki, yizominya Nyasaye navoora, “Ligali uyu yaali mundu mulungi.”

Luka 7:1

Lwa Yeso yaali ni yakamala kovora vindu yivi viosi ku vandu, yingira mu lidaala lia Kaperinaumi.

Luka 7:3

Lwu munene wa vasikari mia oyo yahulira ndi Yeso aveeye mu Kaperinaumi, yatuma avakulundu vi dini ya Vayuda vazie kuye, vamugoonye yaaze kohonyia mutumikiri weve.

Luka 8:42

kigira mukaana weve muderwa, uwaali ahimbi ni mihiga likomi nagiviri yaali nakinda. Lwa Yeso yaali nazizaa, viduma via avandu viamukumberiza zimbega ziosi, ahimbi vamuduvage.

Vikolwa 10:1

Yaali ho mundu mulala mu Kaisaria uwalangwa Korinelio, munene wu muganda mulala gwa vasikari imia indara “Muganda gwa Italia.”

Vikolwa 10:7

Lwe engelosi wavoola yaga yamala kuzia, Korinelio yalanga avatumikiri veve vaviri avinyumba, kandi mulala ku vasikari veve uwatia Nyasaye, waali mulala ku avamulindaa,

Vikolwa 22:26

Lwu munene wa vasikari mia yahulira ndio, yazia vwangu ku munene wa vasikari va Varumi navoora, “Okolaa kindiki? Mundu uyu aveeye Murumi.”

Vikolwa 23:17

Paolo yalanga mulala ku vanene va avasikari mia namuvolera, “Hila muyaayi uyu ku Munene wa Avasikari elefu, kigira aveeye ni likuva liu kumuvolera.”

Vikolwa 27:1

Lwa vamala kusaavira kuniina mu liato kuzia Italia, vaviika Paolo harara na avahambe vandi hasi hu vulindi vwa Juliasi, uwaali munene wa avasikari mia mu muganda gwalangwa “Muganda gwa Kaisari.”

Vikolwa 27:3

Mugamba gwalonda ku kwaduka Sidoni. Juliasi yaakolera Paolo vulahi. Yamuha munwa azie kolola avalina veve vaduuki kumuha via yenya.

Vikolwa 27:43

Navuzwa kigira munene wa avasikari yenya kohonyia Paolo, yavagaya vatakola ndio mba. Yalaga avamanya kwelema vatange kutuuma kutura mu meri, veeleme kuduuka ku lujinga,

Vakolosai 3:22

Avatugwa, muhuliri avami vinyu vu mu lirova mu vindu viosi, sigaveeye lwa vamulola kigira mwenya vamuyaanze, navuzwa mukore vutugwa yivwo numwoyo mulahi kigira mwatia Mwami.