Luka 7:16 - KITABU KITAKATIFU

¹⁶ Avandu vosi vaali nuvuti, nivakuminya Nyasaye. Nivavoora, “Umuporofeti munene yanyooleki mu kunyi. Nyasaye yaazi kohonyia avandu veve.”

Luka 7:16 Iomraidhean Croise

Zaburi 65:9

Ivi ulindaa kivala ku likikubizira imbura. Ivi okekolaa keve kitugi kandi kigunamu wizulizaa amazi mu migera jijo; Ohezaa avamenyaa ku lirova vitagwa. Ni ndi ivi okolaa:

Kutwula 4:31

Vasuuvira, kandi lwa vahulira ndi Yahova umali kuuza kuvo kandi ololi kuli vadambizwa kivi kenene, vinama hasi nivasigamira Yahova.

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Matayo 15:31

Avandu vagenya ligali lwa valora izidimbidi nizimolomaa, na avalema nivagenda, avafogoya nivahoni kandi avavoku nivalora; na vaakuminya Nyasaye wa Isiraeli.

Matayo 21:11

Na avandu vaali mu viduma vaativura, “Uyu nu muporofeti Yeso, kutura Nazareti, lidaala lia Galilaya.”

Matayo 28:8

Kunangwa avakali yavo vaatura hakilindwa vwangu, nivatiiyi, navuzwa ni vizuyi uvuyanzi vonene ligali, ni vanyagura kuzia kovoolera aviigi veve.

Matayo 9:8

Lwi kiduma kenene cha avandu valora yaga, vagenya, nivatia ligali; ni vaakuminya Nyasaye uwahaana ku avandu zinguru kuli yizi.

Luka 1:65

Uvuti vwali ku avatende vosi, na makuva yaga galandizwa mu kivala choosi chu muvigulu Ivuyuda.

Luka 1:68

“Agasizwi Mwami Nyasaye wa Isiraeli, kigira umali kogeniha kandi ohonyi avandu veve.

Luka 19:44

Valamudiviza ligali harara na vana vinyu avaveeye mu madigi ginyu. Sivalileka ligina kali lilala ku lindi mba kigira simwamanyiriza ing'inga yiliiza lia Nyasaye ku munyi mba!”

Luka 2:20

Avayi virana wavo ni vakuminya kandi ni vizominyaa Nyasaye ku goosi aga vaali ni vaahuliyi kandi nivaloli, goosi gaali kuli vaali ni vavooleywi.

Luka 24:19

Yeso yamuteeva, “Ni vindu ki?” Navo vativura, “Vindu viekoleka ku Yeso wa Nazareti, uwaali muporofeti, wizingulu ziu kokora nokovoora imbiri wa Nyasaye kandi imbiri wa vandu vosi.

Luka 5:26

Vosi vagenya niviizura uvuti, nivakuminya Nyasaye nivavoora, “Kumali kolola vindu viokogenyia lero!”

Luka 5:8

Lwa Simoni Petero yalora ndio, yagwa hasi mam'mama imbiri wa Yeso navoora, “Tula ku inzi, kigira inzi mbeeye umwoni, O, Mwami!”

Luka 7:15

Uyu mukuzu yavuka, niyikara, natanga komoloma. Yeso yamuhaana ku mama weve.

Luka 7:39

Lwu Mufarisayo wamugenihiza yalora yaga, yaganagana mwene, navoora, “Niiva mundu uyu yakaveeye muporofeti, ngano yakamanyi mukali uyu nivwaha, umudiraa; yakamanyi ni liiva liu vwoni lia lugano ki liu mukali uyu amenyi mu!”

Luka 8:37

Maku avandu vosi, avivivala viali ahimbi via Gerasene vagoonya Yeso atuli kuvo; kigira vaali nu vuti vonene ligali. Yeso yingira mu liato nazia.

Luka 9:19

Vaativura, “Avalala vavoola, ivi oveeye Yohana Mubatizi, navuzwa avandi vavoola Elija, na avandi, ni mulala ku Vaporofeti vakale usimuguki.”

Yohana 1:21

Vamuteeva, “Kunangwa ivi nivwaha? Ivi ni Elija?” Yohana yativura, “Awa, inzi simbeeye niye mba.” Vamuteeva, “Ivi oveeye muporofeti?” Yavativulira, “Awa!”

Yohana 1:25

Maku, vateva Yohana, “Niiva ivi sioveeye Mesia kinga Elija, anoho muporofeti, kigira ki ubatizaa?”

Yohana 4:19

Mukali yamuvolera, “Mwami, ndolaa ivi oveeye muporofeti.

Yohana 6:14

Lwa avandu valora kelolekizu yiki icha Yeso yakola, vavoola, “Ligali uyu niyie muporofeti zana uzaa mu lirova.”

Yohana 9:17

Avafarisayo vateva mboku oyo kandi, “Yee, ovola akohonyi livakula liilio; vulahi, ovola ki kuye?” Naye yavavolera, “Aveeye muporofeti!”

Vikolwa 5:5

Lwa Anania yahulira makuva yago, yagwa hasi nakuza. Avandu vosi avahulira makuva yaga vaali nuvuti vonene ligali.

Vikolwa 7:37

Musa oyo niyie wavolera avandu va Isiraeli, ‘Nyasaye alamutumira muporofeti kuli yanduma, kandi mulala ku avandu vinyu vene.’

Vagalatia 1:24

Maku vaakuminya Nyasaye kigira inzi.

Kwidzulitsa 18:15

Muvogono yivwo Yahova Nyasaye winyu alamutumira muporofeti kuli inzi kutura mu vandu vinyu, na munyi kuduuka mumuhuliri.