Luka 7:14 - KITABU KITAKATIFU

¹⁴ Kunangwa Yeso yisunda ahimbi, nadiira ku lisandugu, yavo avaari nivagingi muviri vasingira. Yeso yamuvolera, “Musoleri, ngovolera, Vuka!”

Luka 7:14 Iomraidhean Croise

1 Avami 17:21

Maku Elija yagona mamumama ku mwana zana haali kavaga nasaara navoora, “Oh Yahova Nyasaye wange, yiranyira muyaayi uyu livamwoyo!”

1 Avami 17:22

Yahova yativulira Elija lisaala lilie, muyaayi yanyoora livamwoyo lilie kandi nasimuguka.

Ayubu 14:12

ni ndio avandu vakuza, na si vasimuguka kandi mba. Si valasimuguka kandi, kuduuka ing'inga yi ligulu lilivula kuvaho, anoho sivalakasimuguki kutura mu zindolo ziavo mba.

Ayubu 14:14

Niiva mundu akuza, anyala kuva mwoyo kandi? Navuzwa ndalindilira ing'inga indahi, ndakalindi kuduuka ing'inga yu vudinyu vwange vohera.

Zaburi 33:9

Lwa Yahova yamoloma likuva, lirova lialombwa. Ku lilaga lilie, vindu viosi vialoleka.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Marko 5:41

Yagumira umwana mukono namuvolera, “Talitakumi,” iliveeye kovora, “Mwana mukaana, ngovolera uvuki!”

Luka 7:13

Lwu Mwami Yeso yamulola yamuvererera, namuvolera, “Utalira mba.”

Luka 7:15

Uyu mukuzu yavuka, niyikara, natanga komoloma. Yeso yamuhaana ku mama weve.

Luka 7:17

Amakuva mageni ga Yeso yaga, galanda mu kivala choosi chi Vuyuda nivivala viali ahimbi ni Vuyuda.

Yohana 11:25

Yeso yamuvolera, “Inzi niyie lisimuguka kandi livamwoyo. Usuviraa inzi kali niiva alakuza alava mwoyo;

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.

Yohana 5:25

Agiligali muvooleraa; ing'inga yiza, kandi imali kuduuka, lwa avakuzu valihulira mwoyo gwu Mwana wa Nyasaye, nayavo avalimuhulira, valakaduuki mu livamwoyo.

Varumi 4:17

Kuli Mang'oda Matakatifu gavoora, “Mali kokora ivi baba wi zihiiri zinyingi.” Lisuuvirizwa yili liveeye lilahi imbiri wa Nyasaye, wa Aburahamu yasuuvira muye, Nyasaye uhaanaa livamwoyo ku vakuzu, kandi ku malago geege aleetaa vitaveeye ho, kuva ho.

Vafeso 5:12

Ziveeye zisoni kali kovora vindu via vandu vatatizaa Nyasaye vakora mu vwivisu.