Luka 7:13 - KITABU KITAKATIFU

¹³ Lwu Mwami Yeso yamulola yamuvererera, namuvolera, “Utalira mba.”

Luka 7:13 Iomraidhean Croise

Zaburi 103:13

Yahova averereraa yavo avamutizaa, kuli baba averereraa avana veve.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Marko 8:2

“Mbererera avandu yava kigira vaali harara nainzi amadiku gavaga, na kalunu sivaveeye ni chukulia mba.

Luka 10:1

Inyima wa yaga, Mwami Yeso yatovola aviigi vandi sabwini na vaviri; navatuma vaviri, sa vaviri kwimila kuzia imbiri weve mu madaala goosi kandi hoosi aha yenya kuzia mwene.

Luka 11:1

Lidiku lilala Yeso yaali nasaalaa havundu handi. Lwa yaali niyakamara kusaala, mulala ku aviigi veve yamuvolera, “Mwami kwigize kusaala, kuli Yohana Mubatizi yigiza aviigi veve.”

Luka 11:39

Kunangwa, Mwami yamuvolera, “Munyi Avafarisayo, mwogizaa igulu we kekombe ni sahani. Navuzwa mugati mwinyu, mwayizula uvunuuri nu vudamanu.

Luka 12:42

Mwami yamutivulira, “Nivwaha oveeye mutumikiri musuuvirifu na wovogeri uwu mwami weve aviikaa ave munene ku avatumikiri vinyumba yeeye, avahe viukulia viavo mu ing'inga yenyeka?

Luka 13:15

Mwami yamutivulira, “Avagaadi munyi aveeye ho nu mundu ku vosi hagati hinyu uvula kovoholora eng'ombe anoho isukiri yeeye kutura mu kego agihiri kunwa amazi ku lidiku lie Lisabato?

Luka 17:5

Avatumwa vavoolera Mwami, “Lomba lisuuvira lietu live linene ligali kuvita!”

Luka 17:6

Mwami yavativulira, “Niiva lisuuvira lienyu liakaveeye likekeeke kali kuli luguza lwi lisaazi, ngano mwakavoleye mukuyu yigu, ‘Yihika ni miri josi na wisimiki munyanza,’ nu musaala yigwo gwakamuhuliyi.

Luka 18:6

Kunangwa, mwami yaazizagilira kovora, “Huliri kuli mukalagi mudamanu uyu avoora.

Luka 19:8

Navuzwa Zakayo yasingira navolera Mwami, “Hulira, Mwami! Ndahaana inusu yi vindu viange ku avadaka, kandi niiva ndaavugura kindu choosi chu mundu kali mulala nuvugadi, ndamwiranyira haali kane.”

Luka 22:61

Mwami yikivuka, niyumika Petero. Petero yizuliza likuva liu Mwami kuli wa yamuvolera, “Lero idaywa nikikiri kulagula, ulanyambakana haali kavaga.”

Luka 24:3

Navuzwa lwa vingira mu kilindwa, sivanyoola mu muviri gwu Mwami Yeso mba.

Luka 24:34

Vavoola, “Gaveeye agiligali, Mwami umali kusimuguka kandi umali kololeka ku Simoni.”

Luka 7:12

Lwa yaali niyakaduuka ha kirivwa chi lidaala, henza, mukuzu yaali naleetwa ichova. Mukuzu oyo yaaha muyaayi muderwa ku mama weve, uwaali mukunzakali. Avandu vanyingi vi lidaala yilio vaali harara naye.

Luka 7:14

Kunangwa Yeso yisunda ahimbi, nadiira ku lisandugu, yavo avaari nivagingi muviri vasingira. Yeso yamuvolera, “Musoleri, ngovolera, Vuka!”

Luka 7:19

Yohana yalanga vaviri ku aviigi veve, naavatuma ku Mwami Yeso, vamuteeve; “Ivi niyie wa Yohana yavoola alaza, anoho kulindi wundi?”

Luka 8:52

Avandu vosi valira nivasioma. Navuzwa yavavolera, “Mutalira mba. Siakuzi mba, agonaa.”

Yohana 11:2

Maria uyu niyie wavaka Mwami Yeso amaguta agafunyaa mwayu nu ku mweeya virenge ni liisu lilie. Lazaro, mbozo weve, niyie uwaali mulwaye.

Yohana 11:3

Kunangwa, avamwavo yavo vaatuma mundu ku Yeso amuvolere, “Mwami, mulina woovo wa wayanza aveeye mulwaye!”

Yohana 20:13

Zingelosi yavo vamuteeva, “Mukali, kigira ki uliraa?” Naye yavavolera, “Vaakuvugula Mwami wange, na simanyi wa vamuviki mba!”

Yohana 20:15

Yeso yamuteeva, “Mukali kigira ki uliraa? Wenyaa vwaha?” Maria yaganagana ndi aveeye mulindi wumulimi. Kunangwa yamuvolera, “Mwami, niiva ni ivi uvuguyi muviri gwa Yeso mbolera ahumuviki, nainzi nzie muvuguli.”

Yohana 4:1

Avafarisayo vahulira ndi Yeso yanyoora kandi yabatizaa aviigi avanyingi kuvita Yohana.

Yohana 6:23

Amato gandi kutura Tiberia gaduukaa havundu yaho ha avandu vaali nivaliriyange migadi yijo, inyima wu Mwami yaali niyakasandiza Nyasaye.

1 Vakorintho 7:30

Yavo avasioma vave kuli vatasiomaa. Yavo avasangalaa, vave kuli yavo vatasangalaa. Yavo avagulaa vave kuli yavo vataveeye ni kindu chavaguli.

1 Vatesalonike 4:13

Avaamitu, viitu kwenya munyi mumanye agiligali ga makuva ga yavo avamala kukuza. Mutaverera kuli yavo avataveeye nilisuuvirizwa.

Vahebraina 2:17

Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.