Luka 6:7 - KITABU KITAKATIFU

⁷ Avigizi vi Lilaga valala na Avafarisayo vahenza valore Yeso niiva yaali anyala gohonyia mundu ku lidiku lie Lisabato, kunangwa vanyoore kivuni chu kumuyaara.

Luka 6:7 Iomraidhean Croise

Zaburi 38:12

Yavo avenya kunzita vamali kotega mitego jaavo ku inzi, yavo avenya kusaliriza vatihiza ukundiviza ligali. Sivaleka kunganaganira uvudamanu mu vwivisu mba.

Isaya 29:21

Nyasaye aladiviza yavo vavehera avandi, yavo vaagirung'anyia amageri gahevwa vandu vadamanu, kandi yavo avavolaa vovehi ukwigalira avandu vasuuvirifu vavuli konyoora likalaga lirungi.

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Matayo 5:39

Navuzwa kalunu inzi muvooleraa, utavaanza kisaalia ku mundu okokoleraa vudamanu mba. Mundu woosi ukwaala uluhi ku lusaya lwu mukono mulungi, oleke yaale uluhi ku lusaya lundi kandi.

Marko 3:2

Avandu valala vaali mu avenya kwihambihiza Yeso vamunyoole nuvudamanu. Vahenza valore niiva Yeso yaali anyala kohonyia umundu oyo ku lidiku lie Lisabato.

Luka 13:14

Navuzwa munene wilisinagogi yavihilirwa ligali kigira Yeso yamuhonyia ku lidiku lie Lisabato. Kunangwa yavolera avandu vaali nivavugani ho, “Muveeye na madiku sita gokokolera mu miyinzi. Munyala kuuza mu madiku gene yago muhonywi vulwaye vwinyu, navuzwa mutaazi ku lidiku lie Lisabato mba.”

Luka 20:20

Kunangwa venyeleriza vwiyangu vatuma avatunyirizi nivekola kuva vasuuvirifu vaduuki kumugumira kigira gavoora kunangwa vamuhira ku avuvunyali kandi kumuviika mu zinguru ziu Mwami wu vwamihi vwavo Rumi.

Yohana 9:16

Valala ku Avafarisayo vavoola, “Mundu uyu saiaveeye uwatula ku Nyasaye mba, kigira sialindaa Lilaga lie Lisabato mba.” Navuzwa avandi vavoola, “Mundu wu vwoni anyala kokora ndi vilolekizu ku yivi?” Vaali ni liavukana hagati haavo.