Luka 6:45 - KITABU KITAKATIFU

⁴⁵ Mundu mulahi atulizaa vindu viveeye vilahi ku vulahi vomenyaa mu mwoyo gwigwe; kandi mundu mudamanu atulizaa vindu viveeye vidamanu ivimenyaa mu mwoyo gwigwe kandi, mundu amolomaa kuturana ku agaveeye mu mwoyo gwigwe.

Luka 6:45 Iomraidhean Croise

Zaburi 140:5

Avikirage vategegi mutego mu vwivisu kugumira inzi vamali kotega imiveto jaavo ku inzi, kandi vavisi mitego kunzira vaduuki kung'umira.

Zaburi 59:12

Uvwoni voveeye ku minwa jaavo; amakuva gaavo gaveeye vuzwa aguvwoni. Leka vagumirwi mu liegingira liavo! Na kigira valama kandi vavehaa,

Zaburi 59:7

Huliriza ku amanyego ni litihiza liavo. Amakuva gaavo gaveeye kuli vivavi viugi mu minwa jaavo, navuzwa vaganagana ndi mundu siavahuliraa mba.

Tsing'ano 12:18

Amakuva madamanu gatumitaa kuli kivavi, navuzwa makuva gavoolwaa no vogeri gahonyia.

Tsing'ano 15:23

Ni vusangali ki konyoora makuva gaduukanaa mung'inga idukanaa!

Tsing'ano 4:23

Henza kuli uganaganaa. Livamwoyo liilio lilombwaa ni zing'anagani zizio.

Yohana 7:38

Kuli Mang'oda Matakatifu gavoora, ‘Ku vosi usuviraa inzi, migera jaamazi gahaanaa livamwoyo, tulasinuka muye kutura mu mwoyo mwimwe!’ ”

Vikolwa 5:3

Petero yamuteeva, “Anania, kigira ki oleki Setani akwamihi mu mwoyo gugwo uduuki kovoolera Roho Mutakatifu ovovehi, mu livaasa kedonye cha mabese gonyooye ku mulimi?

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vafeso 5:19

Muvolerane aveene naveene makuva gi zizaburi, muzinyimbu kandi mu zinyimbu zindakatifu. Mwimbi zinyimbu kandi zizaburi ku Mwami ni lizominya mu mioyo jinyu ku Mwami.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

Yudasi 1:15

Sokoleeta ilikalaga ku avandu vosi, kuvakalagira vosi kigira ivikolwa iviavo vitaveeye viu vunyasaye via vamali kokora, kandi kigira amakuva goosi gukuvihiliriza ga avoni avataveeye nu vunyasaye vamali komoloma vudamanu kuye!”