Luka 6:25 - KITABU KITAKATIFU

²⁵ “O, vayaye, kilaamo keveeye ku munyi avamuveeye ninziguta kalunu; kigira lwinyima mulava ninzara! O, vayaye, kilaamo keveeye ku munyi avasekaa; kigira inyima mulasioma nu kulira!

Luka 6:25 Iomraidhean Croise

Zaburi 49:19

aliyunga harara na vaguuga veve vosi mu likuza, ahi kisundi kihindiraa mihiga ni mihiga.

Tsing'ano 14:13

Liseka likunikaa ovovereri mu mwoyo, navuzwa keheri chuvusangari nilisioma.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Kohelethu 2:2

Ndanyoora ndi lisekelera liveeye vusiru, kandi lieyaanziza si liveeye nuvulahi vwosi mba.

Kohelethu 7:3

Liverera liveeye lilahi kuvita liyaanza kigira lilomba mumoni mumwo muva novovereri, navuzwa likolomba uve ni limanyiriza.

Kohelethu 7:6

Lwu mundu musiru asekaa gavee kuli amafwa gatulikaa mu inyingu eveeye kumuliru. Yaga gaveeye vuzwa.

Isaya 28:7

Kali vaporofeti navasaalisi vaveeye vahambiku ligali kali vagenda nivayekayeka vanweeye iwaini namalwa malulu kali vikigitara mugoyana. Avaporofeti vaveeye vahambiku ligali kali sivanyala kumanyiriza malola ga Nyasaye atumaa mba, na vasaalisi navo kandi vaveeye vahambiku ligali kali sivanyala kukalaga viyaalo viletwaa kuvo mba.

Isaya 65:13

Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Isaya 8:21

Avandu valagendagenda mu kivala, mu linyang'ana kandi ninzara. Mu inzara nu vutima vwavo, valalaama avami vaavo kandi Nyasaye wavo. Vanyara kohenza igulu mwigulu

Isaya 9:20

Havundu hoosi mu kivala avandu vanuraa nukulia ichukulia choosi cha vanyara konyoora, navuzwa sivigutaa kali hakuzu mba. Kali valiza avana vaavo vene!

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Nahum 1:10

Valagoyanira hagati ha mafwa kuli avandu vaveeye vahambiku; valasambwa nu muliru kuli amavivi amuumu.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Luka 13:28

Kunangwa kulava ho nukulira kandi nukudiedieyiza amiinu, lwa mulilora Aburahamu, Isaka na Yakobo, na avaporofeti vosi nivaveeye mu Vwami vwa Nyasaye, navuzwa munyi aveene nimuteveywi ichova.

Luka 6:24

“Navuzwa O, vayaye, kilaamo keveeye ku munyi avatugi, kigira mumali konyoora liehozeliza lienyu!

Luka 6:26

“O, vayaye, kilaamo keveeye ku munyi lwa avandu vosi vamwizominya, kigira nindio avaguuga vaavo vavoola vindu vilala viere ku avaporofeti vo vovehi!

Luka 8:53

Vosi vamuseka kigira vamanya ukuzi.

Vafeso 5:4

Kifavwi, anoho amakuva gi zisoni nu guvusiru, anoho amahing'ani, anoho zimbaka, sividukana munyi kuvitivula mba, navuzwa nivulahi musandizi Nyasaye.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.

Yakobo 4:9

Muve no vovereri, muliri kandi musiome! Liseka lienyu ligirung'anywi kuva lilira, lisangala lienyu live liverera.

Likunula 3:17

Ivi ovola, ‘Inzi mbeeye umutugi, kandi simbeeye ni lienya kindu.’ Navuzwa siumanyi kuli oveeye novovereri! Oveeye mudaka, umboku, kandi chahonyo!

1 Samweli 2:5

Avandu vaali ninziguta kalunu vayinzira ku vaduuki konyoora chukulia, navuzwa yavo avaari ninzara si vaveeye ni inzara kandi mba. Mukali mugumba wivuuyi avana saba. Navuzwa mama wa vayaayi vanyingi utigaye umwere vugira mwana.