Luka 6:23 - KITABU KITAKATIFU

²³ Ing'inga yene yeyo, munyi musangare nukukina nuvuyanzi kigira, heenzi ligali madanyi ginyu gaveeye manene mwigulu Kigira nindio avaguuga vaavo vakolera avaporofeti.

Luka 6:23 Iomraidhean Croise

2 Samweli 6:16

Lwi Lisandugu lie Lilagana, liali nilileetwa mu Lidaala linene Mikali, mukaana wa Saolo yahenzera mwidirisha nalora mwami Daudi navina kandi natuumatuuma mu livinira Yahova, kandi yavihilirwa ligali.

1 Avami 18:4

lwa Jezebeli yitaa vaporofeti va Yahova, Obadia yavugula, imia ndala kuvo, naavavisa mu zimbangaywa mu miganda giviri ja vandu amusini, siavuli muganda kandi navaha chukulia na mazi.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

1 Avami 19:14

Elija yativura navoora, “Yahova Nyasaye uvunyali, inzi ngutumikiraa ivi weng'ine kazozo nuvugulu vwosi. Navuzwa avandu va Isiraeli vamala kuvunayia lilagana liavo niivi, vaazooma hasi vwali vuvwo vwosi, nukwita avaporofeti vovo vosi. Inzi niyie utigaye zieng'ine na vageriza kunzita.”

1 Avami 19:2

Jezebeli yatuma makuva ku Elija navoora, “Avanyasaye vanzite niiva mugamba kuduuka ku ing'inga yiyi sindakola ku ivi kindu kilala chere cho okoli ku avaporofeti mba.”

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:27

Uvoolere vamuviki vuhambe kandi umulie mugadi namazi mere kuduuka lwa nzirana nimirembe.”

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

2 Avami 6:31

Yisuha, “Nyasaye anguyi nguzi niiva Elisha sialakalagwa mutwi lidiku linu ni likikiri kumalirika!”

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Zaburi 58:11

Avandu valavoora, “Ligali avalungi valaheevwa madanyi; ligali aveeye ho Nyasaye ukalagiraa lirova.”

Isaya 35:6

Mundu mulema alatumatuma kuli kisusu, kandi yavo avaveeye zidimbidi, zinimi ziavo zilimba nukusangara. Amazi galasinuka mwigendanyama, kandi togera twa mazi tulituruka kuvitira mu changarangwi.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 5:12

Muyanze kandi musangare ligali, kigira amadanyi ginyu gaveeye amanene mwigulu; nindio vadambiza avaporofeti avaari imbiri winyu.

Luka 1:41

Lwa Sabeti yahulira licheliza lia Maria, mwana yakina nuvuyanzi munda mwimwe. Sabeti yizula Roho Mutakatifu,

Luka 1:44

Kigira lwa mbuliyi mwoyo gwi licheliza liilio, mwana akini munda mwange nuvuyanzi.

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Vikolwa 14:10

yavoola nu mwoyo munene, “Singira vulungi!” Mulema oyo yasingira vwangu na atangaa kogenda.

Vikolwa 3:8

Yatuma igulu vwangu nasingira natanga kogenda. Maku yingira Mwitembeli harara navo, nagenda natuumatuuma, niyizominya Nyasaye.

Vikolwa 5:41

Kunangwa avatumwa vaatura mu kiyaalo ni vayaanza ligali kigira Nyasaye yalora sivadukanaa kuvikwa mu zisoni kigira lieta lia Yeso mba.

Varumi 5:3

Kunyi kandi kusangaliraa ikivi chietu, kigira kumanyi ndi ikivi keleetaa vwikuziri,

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

Vahebraina 11:26

Yatovola linyegwa kigira Kristo kuva lilahi ligali kuvita vutugi vwa Egebeti; kigira yahenzerera madanyi gaaza imbiri.

Vahebraina 11:6

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Yakobo 1:2

Avaamitu vange, mwiganagane aveene kuva nu vusangali, lwa amagerizu zing'ano ziosi gaaza ku munyi.

1 Petro 4:13

Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.

Likunula 2:26

Yava avaguutaa, kandi yava avalindaa nu kugumira imiyinzi jange kuduuka ku keheri, ndavaha uvunyali ku izihiiri ziosi.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.

Likunula 3:12

Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.

Likunula 3:5

Oyo ugutaa uvulwani alaviikwa zinguvu zindavu; sindatuliza lieta lilie mu kitabu chi livamwoyo mba, kandi ndiyama lieta lilie imbiri wa Baba wange kandi imbiri wi zingelosi veve kandi.