Luka 6:2 - KITABU KITAKATIFU

² Avalala ku Avafarisayo vavateeva, “Kigira ki mukoraa gataduukanaa kokolwa ku lidiku lie Lisabato?”

Luka 6:2 Iomraidhean Croise

Kutwula 22:10

“Niiva mundu alavugilira kulindira mundu wundi ibunda yeeye, anoho eng'ombe, anoho ligondi, anoho mutugu gundi gwosi, ma mutugu zana guukuzi anoho guvuniki anoho gwivwi, na niiva sihaveeye ho nu muloli,

Kutwula 31:15

Muveeye na madiku sita gokokola miyinzi jinyu, navuzwa lidiku lia saba lilava lidiku linene liatakasirwa inzi Yahova. Mundu woosi okola miyinzi josi ku lidiku yili, adukanaa yiitwi.

Kutwula 35:2

Munyi muveeye na madiku sita gokokola miyinzi jinyu, navuzwa lidiku lia saba, mulikole kuva litakatifu, liveeye lisabato lio kohonga ku Inzi, Yahova. Mundu woosi okola miyinzi ku lidiku yilio, aliitwa.

Isaya 58:13

Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Matayo 12:2

Navuzwa, lwa Avafarisayo valora ndio, vavoolera Yeso, “Henza, aviigi vovo vakora gatenyekaa kokolwa ku lidiku lie Lisabato.”

Matayo 15:2

“Kigira ki aviigi vovo vononyia miima ja avaguuga viitu? Si viisaavanga amakono gaavo kuli gadukanaa ni vakikiri kulia!”

Marko 2:24

Avafarisayo vavoolera Yeso, “Henza! Kigira ki aviigi vovo vakora agataduukana kulidiku lie Lisabato?”

Luka 5:33

Avandu vavoolera Yeso, “Aviigi va Yohana Mubatizi vahonga lilia haali kanyingi nivasaara, kandi aviigi va Avafarisayo vakora ndio; navuzwa aviigi vovo valiza vuzwa nivanwa.”

Yohana 5:16

Kunangwa Avayuda vatanga kudambiza Yeso kigira yaali namali kohonyia umundu ku lidiku lie Lisabato.