Luka 5:8 - KITABU KITAKATIFU

⁸ Lwa Simoni Petero yalora ndio, yagwa hasi mam'mama imbiri wa Yeso navoora, “Tula ku inzi, kigira inzi mbeeye umwoni, O, Mwami!”

Luka 5:8 Iomraidhean Croise

2 Samweli 6:9

Ahene yaho, Daudi yatia Yahova ligali navoora, “Nyara kuhila ndi Lisandugu lie Lilagana kalunu?”

1 Avami 17:18

Mukunzakali uyu yavolera Elija, “Mundu wa Nyasaye, kigira ki nokora yaga ku inzi? Waza hano kwizuliza Nyasaye vwoni vwange no koleta likuza liu muyaayi wange?”

Ayubu 40:4

Henza, Inzi simbeeye kindu ligali mba; nyala kukutivulira ki? Sindageriza kovora kindu kindi choosi mba.

Kutwula 20:19

Vavoolera Musa, “Niiva ulamoloma ku kunyi, kulahuliriza; navuzwa koveeye nuvuti ndi niiva Nyasaye alamoloma ku kunyi kulakuza.”

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Matayo 17:6

Lwa aviigi vaaguhulira, vaagwa hasi mam'mama ni vaatia ligali.

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.

Matayo 8:8

Munene wa avasikari oyo yamuvolera, “Mwami, sindukana ivi wingiri munyumba yange mba. Navuzwa vola ilikuva vuzwa, na mutumikiri wange alahona.

Luka 5:7

Vasima avaluvi vache vaavo avaari mu liato lindi vaze kuvakonya. Vaza nivizuliza zisuzi mu maato goosi gaviri kuduuka nigava ahimbi kwiyina.

Luka 5:9

Simoni harara na avache veve vosi vagenya konyoora zisuzi zinyingi kuli ndio.

Yohana 11:32

Lwa Maria yaduuka ha Yeso yaali kandi naamulora, yagwa ha virenge vivie nasigama, namuvolera, “Mwami, ulava hano ngano mbozo wange si yaali akuzi mba.”

1 Vakorintho 13:12

Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi

Likunula 1:17

Lwa ndaamulola, ndaagwa havirenge vivie kuli mukuzu. Yavika mukono gwigwe mulungi ku inzi, navoora, “Utatia mba! Mbeeye wukutanga kandi wu kumaliriza.

Vakalagi 13:22

Manoa yavolera umukali weve, “Ligali kuziiza kukuza kigira kumali kolola Nyasaye!”

1 Samweli 6:20

Kunangwa avasaza va Bezi-shemeshi vavoola, “Ni vwaha unyala kusingira imbiri wa Yahova, Nyasaye Mutakatifu uyu? Kunyala kumuhila hayi atuli ku kunyi?”