Luka 4:22 - KITABU KITAKATIFU

²² Avandu vosi vayanzizwa naye ni vagenya kigira makuva malahi gayavoola. Vavoola, “Uyu siaveeye muyaayi wa Josefu?”

Luka 4:22 Iomraidhean Croise

Zaburi 45:2

Ivi oveeye musaza wi ligondo lilahi kuvita avandi vosi. Kandi oveeye mumolomi mulahi ligali Nyasaye akugasizaa kazozo.

Zaburi 45:4

Niina ligare liu vulwani ogende mu vukumi. Kigira likinga lia agiligali kandi likalaga lirungi. Zinguru ziu mukono mulungi zilakokola onyoore liguuta linene.

Tsing'ano 10:32

Avandu valungi vaveeye ni limoloma lihooma, navuzwa vandu vachamu vamoloma vindu viukusaliriza.

Tsing'ano 16:21

Mundu mugeri amanyikanaa ku limanyiriza lilie. Amakuva geege manyingi malahi gamukolaa kuva wokogoonya.

Tsing'ano 25:11

Amakuva gavakovoolera vulahi gaveeye kuli izahabu yalombwa vulahi, ma niviikwa mu ifeza.

Kohelethu 10:12

Chu mundu mugeri avoora kimuleteraa luyali, navuzwa musiru adivizwaa na makuva geege mwene.

Lwimbu lwa Solomoni 5:16

Limoloma lilie liveeye lilahi ligali, vindu viosi kuye viyanziza. Avakali va Jerusalemi, uyu nu muyanze wange kandi nu mulina wange.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Luka 2:47

Vosi avahulira amakuva geege vagenya ku vogeri vwivwe kandi amativuli geege.

Luka 2:48

Lwa aviivuli vamulola vagenya ligali. Maria mama weve yamuteeva, “Mwana wange, kigira ki okokoli kuli ndi? Baba woovo ninzi kukwenyi ni mioyo gietu giosi.”

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Luka 4:21

Naye yaatanga kuvavoolera, “Kalunu Mang'oda Matakatifu yaga gaduukiziywi ku munyi kuli muhuliyi ni gasomwa.”

Yohana 1:45

Filipo yanyoora Nazanieli namuvolera, “Konyooye mulala wa Musa yang'oda kuye mu kitabu chi Lilaga, kandi avaporofeti vang'oda kuye. Aveeye Yeso mwana wa Josefu, wa Nazareti.”

Yohana 6:42

kunangwa vavoola, “Uyu siaveeye Yeso mwana wa Josefu, wa baba na mama weve va kunyi kumanyi? Anyala ndi kovora, ‘Mali kwika kutura mwigulu?’ ”

Yohana 7:46

Avasikari vaativura, “Sihaveeye ho nu mundu uwa moloma kuli musaza uyu amolomaa mba!”

Vikolwa 6:10

Navuzwa sivali vanyara kumuguuta mba, kigira ovogeri vwivwe kandi kigira Roho Mutakatifu wamwimilira mu livoora lilie.

Tito 2:8

Livoora liilio live lilahi vugira chokwikigitaliza, kunangwa umuhing'ani aduuki koleganywa havulavu, kigira siaveeye nichavoola ku kunyi kidamanu mba.