Luka 24:48 - KITABU KITAKATIFU

⁴⁸ Munyi muveeye avalolekizi vi vindu yivi.

Luka 24:48 Iomraidhean Croise

Yohana 15:27

Na munyi, kandi, mulakave valolekizi vange kigira inzi, kigira mwali harara nainzi kutura mulitanga.

Vikolwa 1:22

Gamudukira ave uwahambana ni kunyi kutura ing'inga ya Yohana yabatizanga avandu kuduuka lidiku lia Yeso yavugurwa kutura ku kunyi kuzia mwigulu. Kuduuka ahambane ni kunyi, ave mulolekizi wi lisimuguka liu Mwami Yeso.”

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 10:39

“Kunyi koveeye avalolekizi va amakuva goosi aga yakola mu kivala cha Vayuda nu mu Jerusalemi. Vamwita ku limusunga ku musalaba,

Vikolwa 10:41

Navuzwa si yamulolekiza ku avandu vosi, navuzwa ku yavo ava Nyasaye yamala kotovola vave avalolekizi veve; navo ni kunyi va kwalia nu kunwa naye inyima wi lisimuguka lilie kutura mu vakuzu.

Vikolwa 13:31

Naye, ku amadiku manyingi yaloleka ku yavo avaazia harara naye kutura Galilaya kuduuka Jerusalemi. Yavo nivo avaveeye avalolekizi veve kalunu ku avandu va Isiraeli.

Vikolwa 2:32

Nyasaye umali kusimugukiza Yeso uyu kutura mu likuza, na kunyi kwosi koveeye avalolekizi ku likuva yili.

Vikolwa 22:15

Ulamulolekiza ku vandu vosi; uvavoolere vindu via walola nu kuvihulira.

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

Vikolwa 4:33

Avatumwa valolekiza ni zinguru zinene lisimuguka liu Mwami Yeso, na Nyasaye yavaha vugasu vonene.

Vikolwa 5:32

Kunyi harara na Roho Mutakatifu, koveeye avaloli ku vindu yivi oveeye kihanwa cha Nyasaye ku avandu vamuhuliraa.”

1 Petro 5:1

Inzi, oveeye mukulundu wache, mbolera avakulundu vi livugana avaveeye hagati hinyu. Inzi mbeeye umuloli wuvusaliri vwa Kristo, kandi mbeeye umusangi wu vukumi vuliloleka.